[A:105b-400] nas/ rim pas bteg ste/ thams cad mkhyen pa'i drung du phebs/ de nyid kyi mod nas thugs bzhed bskang ba'i gsung chos phul ba'i thog mar/ gnyag dbon rin po ches mdzad pa'i mngon rtogs legs bshad kun 'dus dang/ dkyil chog gcig shos kun grol gyi steng nas/ dmar nag dkyil 'khor drug gam bdun du grags pa'i rdul mtshon gyi dkyil 'khor yongs su rdzogs pa/ 'jigs byed lha bcu gsum ma dang/ zhe gcig ma/ ro langs brgyad skor/ zhe dgu ma/ gshed dmar lha bcu gsum ma/ dgra nag/ gdong drug nyer gcig ma/ gzhan yang gsang 'dus gnyis med rnam rgyal/ bde mchog mkha' 'gro rgya mtsho/ gsang 'dus 'jig rten dbang phyug/ gsang 'dus 'jam dpal rdo rje/ gtsug gtor dgu pa/ mgon po mi 'khrugs pa rnams kyi dbang/ de'i dbang gi dus sa chog sta gon rnams grub rjes/ dkyil 'khor bri ba dang / dpon slob rnams kyi slob ma sta gon grol/ gzims chung so sor phebs/ zhal snga nas dkyil 'khor la gzigs te/ gzims chung du phebs ma thag mchod g.yog rnam rgyal ba bos shog bka' phebs/ zhabs drung du phyin pas/ dpon slob rnams kyi mi 'khrugs pa'i dkyil 'khor 'di dang/ bu ston rin po ches mdzad pa'i mngon dkyil las byung ba'i dkyil 'khor gtan mi 'dra ba 'dug pas ji ltar yig mkhan