[A:114b-418] thol gyi mkhan po rje brag lcogs chen pos nor bu gling du spyan 'dren zhus te/ zhal slob kyi thu bo yin pa bzhin mchod pa'i yo byad kha na ma tho ba med pas mchod cing/ der 'khod thams cad la chos kyi dga' ston chen pos kyang dgyes pa bskyed/ de nas rim pas phebs/ 'o de gung rgyal gyi bsu ba yin zer mtshan gyi cha la dbyar gung las kyang char che zhing/ tho rangs nas rab tu dkar ba'i kha ba'i me tog gi char che po bab pa mchod pa'i sprin du gyur/ slar yang rim pas zangs ri pho brang sgang du phebs/ der yang nang so bde skyid dpal 'byor bas sngar bzhin zhabs 'degs bsam las 'das pa zhus/ de'i mod nas ma cig lab sgron grub pa brnyes pa'i gnas zangs ri khang dmar mjal ba la thegs/ zangs ri phu nas yang ri chos rjes kyang gzhi len yang dag pa zhus/ de nas 'ol kha'i bar du'ang thab 'dzin gcig 'u lag sogs zhabs tog g.yo med pas dgyes pa bskyed/ slar rim pas bteg par rgyur nas rgyud pa'i 'ol kha stag rtser phebs/ rtse zhabs drung nas bka' phebs pa'i zhabs 'degs sogs mkhos su phebs pa byung rung/ kha ba'i 'jigs pa dang/ sku chab ser gyi gzhi la rten sku lus byin 'dzir ba'i rnam pas shin tu mnyel ba na/ gzhi gzhis byes byin thugs ngal bar