[A:144b-478] bar blta bar bya'o/ /zhes bka' stsal/ gzhan yang de nyid nas gzung te mngon sum du gyur pa'i cho 'phrul yang lan te ma yin par bstan pa yin te/ de yang rje 'di'i bzhed pas/ da lta yongs su grags pa ni rtsis pa mkhan po phal cher las zla ba rnams tshigs re res snga bar 'jog pas lo de'i nag zla hor zla gnyis pa gnang/ de'i tshe bcom ldan 'das gnyis su med pa dus kyi 'khor lo'i bsgrub mchod chen mo'i sa chog sta gon dang bcas pa tshes bcu la btsugs te/ bum pa sta gon gyi dus su/ bum par me tog phul ba de nyid las/ sngags kyi btab pa'i lo thog ni/ /nyi ma gcig gis 'grub par 'gyur/ /zhes gsungs pa ltar/ de nyid nas nyer lnga'i bar gyi zhag bco lnga'i khongs su nas kyi myu gu srubs kyi bar du rdzogs par gyur pas kun ngo mtshar ba tsam las gzhan du sems par ma gyur na'ang / phyis legs par bsams pa na/ de lta bu la sogs pa'i cho 'phrul bsam gyis mi khyab pa dang/ rje nyid 'phags pa sgra gcan 'dzin gyi sprul par zhal gyis bzhes shing/ 'das pa dang ma 'ongs pa'i gnas mtha' dag la gzigs pa dri ma med pas lung ston pa mtha' yas pa dang bcas pa ni/ zhing yang dag par 'pho ba'i snga ltas lung ston pa'i