[A:158a-505] / /gyur na shambha lar 'gro/ rang dbang du ma gyur na jo nang du nye ba'i 'dabs shig tu 'pho ste rnal 'byor yan lag drug gi nyams len la dril ba zhig byed pa yin zhes bka' stsal na/ da dgongs pa ji lta bu yod lags zhus pas/ 'o skol rang dbang du gyur na shambha la rang du 'gro/ der sa bcu pa'i byang chub sems dpa' rnams kyis chos dngos su 'doms pa yin/ de ltar rang dbang ma lus na'ang smon lam rnam pa dag pa btab yod pas bstan pa dang sems can la phan pa zhig tu nges par skye/ 'on kyang khyed rang rnams shambha lar gsol ba thob/ dag snang yin pas byin rlabs 'jug pa yin no gsung/ yang/ tshes bcu bzhi'i tsha rting ma'i thog/ tshul khrims rab brtan sil gtor da lta rang bshoms gsung ba bzhin bshams pa na/ de bas myur bar bshoms phebs pa na/ bsngo ba ma gnang bar bshams gzhan 'dra lags sam zhus byung ba la/ lkug lkugs pa/ bshams pa tsam gyis thob pa'i gnad cig dgos pa yin/ da khyod kyis 'dod la yod na/ rgyal ba mchod pas mnyes gyur cig/ dam can thugs dam skong gyur cig/ lan chags bu lon kher khyer gyur cig/ rigs drug 'dod pa tshim gyur cig/ 'o de gyis la da myur du bshoms/ de ring nas bshams lugs de