[A:160a-509] / /kyang don shes pa yod gsung zhing/ sku khams kyang lhag par dngas par gyur to/ /yang tshes bcu dgu'i nyin/ zhal phu nas dpon sa rin po che'i drung gis thub dbang gnas brtan bcu drug gi thugs dam thang sku cig la phyag nas zhu mi gnang byung bas/ tshe 'pho khar/ bstan pa'i bdag po gnas brtan bcu drug rgyal po chen po sde bzhi dang bcas pa'i sku'i snang brnyan la rab tu gnas pa bgyid pa 'di rten 'brel shin tu legs/ skye ba phyi ma'ang shAkya thub pa'i bstan pa la lag bris chen po bsgrub thub pa'i rten 'brel du 'dug/ da khyod rnams kyis rab tu gnas pa'i nyer spyad rnams legs par sta gon gyis/ tshe 'di'i rdo rje slob dpon gyi las mjug tu 'dug pas/ rab tu gnas pa rgyas pa cig byed dgos phebs nas/ bcom ldan 'das dus kyi 'khor lo yongs su rdzogs pa'i cho ga la brten te rab tu gnas pa lhag par rgyas pa zhig gnang/ ma 'ongs pa na khyed rang rdo rje slob dpon byed 'dod pa rnams kyang lag len 'di lta bu zhig byed dgos pa yin/ lag len 'khrul par spyad na rang gzhan thams cad log pa'i lam la sbyor bar 'gyur bas rnam