[A:160b-510] par dag pa la 'bad par gal che'o gsung/ de ltar ngo mtshar ba'i rten de nyid la me tog 'thor ba'i tshe lha rnams kyis me tog gi char chen po mngon par 'bab par gyur to/ /de nas tshes nyi shu'i nyin/ dpon drung chang dpon pas mjal du phebs pa'i tshe/ dar cig ting nge 'dzin la mi g.yo bar bzhugs par gyur pa na/ drung na med pa kun gyis ting nge 'dzin de las bzhengs par bskul na'ang/ rje nyid g.yo ba med par bzhugs pas kun 'jigs par gyur te/ de ring dpon drung mjal kha mi thub pa 'dra zhes gleng ba'i tshe/ rje nyid skad cig gis ting nge 'dzin las bzhengs nas dpon drung byon yod dam gsung/ de'i tshe dpon drung shod na phebs yod lags te/ de ring mjal kha ji ltar yong lags sam zhus pa'i tshe/ de ring khong dang shin tu mjal/ khong gis dad pas kun nas blangs te skyid zhod nas bsnyegs nas byon pa dang ma 'phrad na mi yong gsung/ mjal ba gnang ba'i/ rje nyid kyi drung du brtan bzhugs 'bul ba gnang te/ sku'i dkyil 'khor ches cher gzi mdangs 'bar 'di lta bu 'dug pas lo shas zhabs brtan par bdag cag rang gis kyang khag theg par 'dug na'ang / bdag cag gdul byar gyur pa rnams kyi bsam pa skong ba'i slad du 'di tsam zhig zhabs brtan par bzhugs