[A:161a-511] / /pa'i zhal bzhes bzang po zhig bka' drin skyongs dgos zhus pa na/ khyed gsung ba bzhin zo mdog rang dga' mo yod tshod 'dug te/ de lta bu yun ring sdod pa'i sgrub byed du 'gro ba dka'/ 'on kyang khyed kyi ngo la kho bo rang nam 'dod pa tshun sdod pa byed gsung/ de nyin gnyag phu thams cad mkhyen pa'i zla dus kyi dus chen yin pa dang sgo bstun te mya ngan las 'das pa'i dgongs pa gtad 'dug na'ang/ dpon drung gi gsol ba btab pa'i ngor zhag cig sku tshe'i 'du byed byin gyis brlab par mdzad pa de ltar na/ bdag nyid chen po 'di nyid skye 'chi la dbang thob pas 'jig rten phal pa'i rnam par thar pa las ring du gyur pa nyid do/ /de nas rje btsun chen pooo 'di nyid dgung lo bdun bcu don brgyad pa/ shol dang bcas na brgyad bcu la nye bar bsnyen pa/ 'phags pa'i yul gyi kun 'dzin/ rgya nag po'i sa pho byi ba/ 'dul ba sa dang shambha la pa'i dbyar zla tha chung / hor lug gi zla ba drug pa'i nyer gcig gi nyin/ baiDUrya ltar dwangs shing dri ma dang bral ba'i nam mkha'i khyon la lha rnams kyis legs par bstar ba'i 'ja' tshon gyi gos zung rnam par brkyang pa ni/ ku mu ta'i kha dog lta bu dang/ kha cig tu ni sbur len gyi mdangs 'dzin la/ gzhan pa dag ni slakNa'i 'dab ma ltar dmar ba dang/ la la dag 'thon ka chen po'i mdog dang/ mar gad gzhon