[A:161b-512] nu'i brtul zhugs 'dzin pa la sogs pas nam mkha'i tha gru mjal ba lta bu'i bar bar nas mchod pa'i lha mo sna tshogs pa'i rnam 'gyur ngom pa ji lta ba'i 'ja' tshon sna lnga'i phreng ba bsgrigs pa dang/ de rnams las kyang mchog tu gsal ba'i 'od kyi thag pa rnam par brkyang ba mtshar du dngar ba rnams ni phyogs thams cad nas rje nyid bzhugs pa'i gzims khang gi phyogs la dud pa'i rnam 'gyur 'dzin cing/ kha dog sna tshogs shing dri bzang po dang ldan pa'i me tog gi char chen po bab pa thams cad kyang gsal la ma 'dres par snang bas yid kyis bris pa'i bkod pa las kyang rnam par brgal te kun tu bzang po'i rnam par 'phrul ba lta bu'i mchod pa'i sprin gyi phung po ltar mngon du gyur zhing de'i tshe bdag nyid chen po'i gsung las/ nged rang 'chi ba la skye bo tha mal pa rnams tshe'i dus byed pa ltar 'chi ba'i rtags mgo ma nas tshang yong dka'/ da lta yang rtags tshang ba ci yang mi 'dug te/ de ring shambha lar 'gro bsam pas dal ba'i dus su smras pa rnams sems can la zhog gsung zhing de nyid nas sku rnam snang gi chos bdun dang ldan pas skad cig kyang g.yo ba med pa'i ting nge 'dzin la snyoms par bzhugs par gyur to/ /de nas nyin mor byed pa snga dro'i cha 'das shing gung thun yol ba tsam gyi tshe/ rje nyid ting nge 'dzin las