[A:162a-513] / /bzhengs te seng ge byon gding ba gtod/ da chos 'dzugs ran yod pasakho bo 'gro ba yin gsung ba na/ zhabs drung na 'khod pa rnams kyis mig nas mchi ma'i rgyun blags te lus kyi ba spu thams cad dpyid kyi spu long ltar g.yo bzhin pas 'jig rten gsum gyi mgon po mchog zhing 'dir bzhugs su re ba'i bsam pa btang nas phyag gi tha ma 'bul zhing smre sngags dang lhan cig par thal mo sbyar te 'di skad ces gsol to/ /ci ste bdag nyid chen po bdag cag zhing 'di'i gdul bya rnams la mi gzigs na/ bdag cag rnams kyi skyabs mgon su la re/ bdag cag rnams gang la re zhing gsol ba 'debs zhes zhus so/ /tshe de'i tshe gsung tshangs pa'i dbyangs lta bus/ sems la 'dzin pa'i sel ma gzhug//nga dang mi 'bral kho re kun/ /zhes lan gsum gsung gi tha mar bzhag te/ sku la snyun bag med par rnam snang gi chos bdun dang ldan pa'i ngang las/ bdag cag rnams kyi dpal ldan bla ma dam pa dus gsum sangs rgyas thams cad kyi ngo bo de nyid/ gzugs kyi bkod pa chos sku spros pa thams cad dang bral ba'i dbyings su thim par gyur to/ /de yang thugs rnam par rtog pa'i rlung gis mi 'phrog par/ gzugs kyi dpal ma la sogs pa'i rdo rje rnam par sgeg mo rnams ni/ spyan sa'i snying po la sogs pa'i sangs rgyas kyi sras po rnams kyi 'od gsal