[A:162b-514] du zhugs so/ /rgyal ba'i lhu gu de dag kyang rim gyis sku sgrib pa rnam sel gyi 'od gsal du thim par gyur to/ /sgrib pa rnam par sel ba yang sa khams shes rab spyan ma shes rab ma dang bcas pa'i 'od gsal du zhugs so/ /de yum dang bcas pa yang chu khams ma ma ki thabs shes kyi 'od gsal du zhugs so/ /de rig ma dang bcas pa yang me gos dkar mo dang lhan cig pa'i 'od gsal du zhugs so/ /de thabs shes gnyis kyang rje btsun sgrol ma rang gi bdag po dang bcas pa 'od gsal du zhugs so/ /de dga' ma dang lhan cig pa yan lag dang bcas pas rnam shes snang ba rje btsun 'jam pa'i rdo rje'i 'od gsal du zhugs so/ /gsung gi dbang phyug kyang snang ba mched pa nyon yid rje btsun ma pham pa'i 'od gsul du zhugs so/ /rgyal tshab dam pa yang snang ba nyer thob kun gzhi kun tu bzang po'i 'od gsal du zhugs so/ /de yang ye shes rdo rje sprin med nam mkha'i dbyings rdo rje 'chang chen po'i 'od gsal la zhugs par gyur te/ dri ma med pa'i 'od gsal las/ /phra rab rdul gyi chos nyid 'das/ /sra phab pa yi rang bzhin can/ /rnams pa kun gyi mchog ldan pa'i/ /phyag rgya chen mo de la 'dud/ /zhes gsung pa ltar gyi rtsa dbu ma ye shes rdo rje'i pho brang chen mor dbyings rig dbyer med chos kyi sku bde ba chen po'i go 'phang mngon sum du