[A:163a-515] / /mdzad pa yin no/ /de'i tshe zhing 'dir bstan pa rin po che'i nyi ma nub/ phan bde mtha' dag gi snang ba 'gribs/ skye dgu thams cad kyang mgon skyabs dang bral bas mya ngan gyi mun pa mi zad pa gtibs par gyur te/ mgron po phyogs bslad pa ltar ci bya gtol dang bral na'ang/ rgyal ba sras dang bcas pa rnams ni/ sku bltams pa dang chos kyi 'khor lo bskor ba la sogs mdzad pa'i phreng ba thams cad kyang sems can gyi don kho na las gzhan du mi mchel na/ skabs 'dir mya ngan las 'da' ba'i tshul ston pa gdul bya snyigs ma'i kun du spyod pas bag med cing rtag par 'dzin pa rnams kyi zhen lta zlog pa'i thabs la mkhas pa bla na med pa'o snyam du dad pa'i blos ngal ba'i stegs bgyis nas/ gdung rin po che mchod pa'i sprin gyi phung po chen po'i dbus su bzhugs su gsol te/ mchod pa 'bul ba'i ched du bcom ldan 'das dus kyi 'khor lo dang/ bcom ldan 'das rnam par snang mdzad kyi dkyil 'khor chen po zhal phye ste sgrub cing mchod pa btsugs/ tshogs sde chen pos kyang/ gdung mchod yongs su rdzogs par ma grol gyi bar du rgyal chen gling nyid du mchod pa 'bul ba mdzad/ yar rgyab chos kyi rgyal po yum sras drung gis thog drangs pa'i phyogs rigs kyi sde dpon/ gra slob/ sbyin bdag/ yul mi dang bcas pa rnams kyi kyang