[A:163b-516] mchod pa'i bye brag mtha' yas pa phul/ de'i tshe mchod pa'i sprin phal cher yang/ dpa' bo mkha' 'gro ma dang/ 'chi med bdag po'i tshogs kyis mngon bar sprul ba sha stag tu mngon te/ de yang rje nyid dag pa'i zhing du thegs pa'i nub thun dang po'i dus la bab pa'i tshe/ phyi ril du sgron me chen po spar ba'i mdangs ches cher gsal ba gzims chung nang du byung ba/ 'tsho mdzad zla grags pa dang/ dka' bcu pa tshul rab gnyis kyis bltas pas/ bu med mi tshad las gzugs nyis 'gyur gyi ring ba/ dar sngo ljang gi gos kyis klubs shing/ rin po che'i rgyan du mas spras pa zhig gi lag na rin po che'i snod bzang po mar me chen po 'bar ba 'dzin zhing/ de'i 'khor du'ang de lta bu'i bu med mang po mchod pa rnam pa sna tshogs pa thogs te/ mchod pa 'bul ba'i rnam 'gyur gyis 'bum thang nub kyi lam mdo der yun ring po 'dug cing/ de nas slar g.yas skor gyis song ba na/ khong gnyis kyis gzims khang gi yang thog nas bltas pas 'ja' yal ba ltar song ba mngon sum du gyur/ de nyid nas gzung mar me rnams kyang cung zad kha ma bri ba'ang mi mngon par zhag mang po'i bar du thub cing / mchod yon me tog zhal zas la sogs pa rnams kyang/ gdul bya rnams kyis bsod nams kyi slad du myur ba myur bar