[A:164a-517] / /brjes te 'bul ba kho na gtogs par rnams thams cad du mchod pa rnams cung zad tsam yang rnyings par ma gyur ba ni dor 'dus pa'i skye bo thams cad kyi thun mong gi spyod yul du gyur to/ /de nas nyer bzhi'i rta bdun rgyal po gzims khang gi phyogs la 'od zer gyi phreng la 'gyed pa dang dus mnyam par chos sku nam mkha' lta bu mngon du gyur ba'i stobs kyis gzugs sku rnam gnyis nyi zla dang 'dra ba phyogs thams cad du shar nas nam mkha' dngas shing/ sems can thams cad kyi don lhur bzhes pa'i lam gyi rim pa thung ngur rdzogs par mdzad nas/ sku rim po 'od kyis gang bar gyur cing/ slar mas rim gyis gyen du bskyod/ de smin mtshams kyi mdzod pur gnas/ des tshangs pa'i bu ga 'od zer gyi dra ba chen po de gyen du 'phags par gyur nas/ de bas zla ba bdud rtsi stengs/ 'gro bar bya'o rgyal po kye/ zhes gsungs pa ltar/ skad cig de nyid la byang sems zla ba chu rgyun lud par gyur ba las/ chu shel zhun ma'i ril bu ltar dkar zhing dwangs la/ dri mas dben pa'i ring bsrel gyis gtams par gyur te/ dag pa'i zhing du rings pa lta bur gshegs par gyur cig/ de'i tshe gdung gi lhag ma'ang khye'u lo brgyad pa tsam las nam yang mi snang ba 'di/ la la'i legs su re ba gtam du brjod pa tsam ma yin par de kho nar gyur pa nyid do/ /de nyid nas gzung te rje nyid 'gro ba rnams la bu gcig