[A:164b-518] ltar brtse ba'i thugs rje'i gzigs pa dus las mi yol ba'i dbang gis mtshan mo'i tha thams cad du char pa'i rgyun chen po bab cing/ nyin mo'i cha thams cad du sprin mu tig gi phreng ba mtshar du dngar ba rnams kyang/ sa 'dzin gyi phreng ba bsgrigs pa dag gi mgul bar 'khyud cing/ de dag gi bar nas kha dog sna tshogs pa'i 'ja' tshon phung phung du gyur pa ni rma bya'i mgrin pa ltar rnam par bkra bar gyur la/ nam mkha'i khyon intra nI la'i zhun mas byugs pa ltar dri mas dben la me tog gi char chen pos khebs pa las/ skye bo la la dag gis me tog gi khyon phub tsam 'khor zhing 'bab pa yang mthong zhes grags go /de nas gnam gang gi nyin mor byed pa thun tha ma la bab pa'i tshe/ mi'i dbang po dge bsnyen rdo rje 'dzin pa kun dga' bsod nams rgyal po dang/ sa skyong ba'i dbang po dge bsnyen rin chen phun tshogs sku mched bzhugs gdan gyi gtso bor phebs te/ gdung rin po che la zhugs kyi mchod pa 'bul bar brtsams pa na/ thugs ka nas ye shes kyi me padma 'dab ma bzhi pa'i dbyibs can g.yas phyogs su 'khor bzhin pas rang byung du 'bar ba'i sgra chen pos phyi rol na 'khod pa'i dad ldan rnams kyi rna ba'i dbang por tshim pa dang/ de'i tshe nam mkha' nas me tog gi char lhag par che ba babs pa na/ tha mal pa'i byis pa dag gis kha ba bab par 'khrul te/ nam zla da lta'i dus su kha ba chen po bab pa 'di ci lta bu