[A:165a-519] / /yin zhes gleng ba dang/ ga pu dang/ gur kum dang/ tsan dan dang / a ka ru dang/ ru ru ska dang/ si ha la la sogs pa'i dri thams cad las kyang rnams rnam par rgyal ba'i dri bsung gis phyi nang yul ljongs thams cad du rnam par gang ba/ bsam gtan la chags pa'i mnyam par bzhag pa rnams kyang ti nge 'dzin ngang gis 'phel ba'i rdo rje'i bdug spos kun dgar 'thul ba na/ sbyar ba dang yongs su gyur ba'i dri'i mchod pa bshams pa dag phal pa'i ngad ldang bar gyur pas/ kun phyi rol du 'dor dgos pa dang/ yang skal ba bzang po can dag gis gdung phyag na rdo rjer gzigs pa dang/ kha cig gis mchod pa'i lha mo mar me thogs pa mthong ba dang/ la la dag la rnam rgyal mchod rten gyi rnam par shar zhing/ der bzhugs pa byin gyis dag pa'i snang ba mthun par gdung padma dkar po 'dab ma bzhi pa la sogs pas phra tshoms btab pa ltar bltams par gyur pa ni mngon du gyur la/ chos kyi rgyal po rdo rje 'dzin pa chen pos ni gdung khang gi nang du padma rab tu rgyas pa'i me'i dbus na rnal 'byor gyi dbang phyug birWa pa gzi mdangs mchog tu 'bar bar bzhugs pa'i rnam pa gsal bar gzigs pa'i mod la/ thugs nyams 'ur langs pa'i tshe/ dri bzang po'i ngad pa chil chil long long por gyur pa'i shugs kyis der gdan 'khod pa thams cad kyang