[A:165b-520] sku lus srin bal gyi phung po ltar yang zhing bde bas gang pa'i nyams las/ mgrin gcig tu ha ha'i sgra chen po rang dbang med du sgrog cing phyi nang gi skye bo phal che ba rnams kyang nyams kyi rol gar bsgyur ba dang / mi'i dbang po nyid ni de nas kyang yun ring po'i bar du gar gyi rnam 'gyur bsam gyis mi khyab pa dang/ rje btsun birWa pa'i bzhugs stangs mdzad cing bstod pa cig zhal 'don gnang ba'i thugs nyams yun ring du byung ba sad pa'i dus/ bstod pa de yi ger 'bri ba zhus pa na/ nged kyi blo la med/ dran kyang ma dran ces gsung/ gzhan yang sngon dgra bcom pa yon tan blo gros pa'i bzhugs gnad 'o ma lum phu nas sgrub chen ma zhig gis mar me gsum skyibs dang skyor ba ci yang med par rtsig pa'i steng gi gzhi la bzhag te/ paN chen chos grub seng ge zhes gdung ba'i dbyangs kyi gsol ba 'debs bzhin pas khyed rang gi mchod pa la gzigs shig ces brjod pa'i tshe/ char pa'i rgyun chen po bab pa na'ang mar me de dag cung zad tsam yang g.yo ba med par 'bar bas nye logs na 'khod pa'i skye bo dag skyibs yod med the tshom du gyur te kha ma dan par rgyal btsugs pa na/ skyibs yod par 'dod pa rnams kyis rgyal shor zhing/ slar nam langs nas bltas pas na mar ji tsam zad pa de tsam chus gang ba las me 'bar bar mthong ba la sogs pa'i bsam