[A:166a-521] / /pa'i ra ba las 'das pa'i rdzu 'khrul gyi bkod pa mtha' yas pas mngon par 'du mdzad/ zhugs kyis mchod pa 'bul ba'i yun tshad kyang chu tshod gnyis kyi bar tsam la rdzogs par bzhes ste/ mchod rdzas rnams kyang 'bul ba'i rnam pa tsam las cung zad kyang mi bzhes par/ karke ta'i khu ba lta bu'i zhun thigs dri ro phun sum tshogs pa mngon par babs pa nyid zhugs la gzheen pa'i nyer spyad du bzhes pa mdzad do/ /de nyid du gdung sgo las thon pa'i gdung gi sil bu chung ngu dag las ngo mtshar ba'i rten byon pa'ang 'di lta te/ dbon po lung rigs pa'i phyag tu 'bar ba'i gdung gzhon nu zhig la ngo bo sku gdung yungs 'bru lta bu gsum brtsegs pa rnam pa bde bar gshegs pa'i mchod rten gyi rnam pa can rang byung/ chos rje 'jam dpal ba la sku rkang gi tog zhig la ring bsrel ba rI ram gyi rnam pa can che ba sran ma tsam la chung ba yungs kar tsam mang pos bskor ba dang/ dbon po don dpal ba la sku rkang gi mgo zhig la ring bsrel gyi byung bur bltams pa/ gzhan yang gdung khang gi nye 'khor dag nas sku gdung yungs 'bru lta bu skal ba dang ldan pa la ma dag gis thob pa/ gsol ba 'debs pa rnams kyi mig rten du gyur pa yin no/ /de'i phyir de nyid du gdung zhal phye ba nyid na zhi 'di'i gdul bya rnams kyi bgo skal du ngo mtshar