[A:166b-522] ba'i rten so so skye bo mtha' dag gi bsam pa'i spyod yul las brgal ba 'byon par gdon mi zab nyid na'ang/ mkha' la spyod pa rnams kyis yid la dpyo ba byin te/ slar yang gya gyur ldan pa'i sems kyis gdung la mchod pa 'bul ba mchog go zhes sgros nas/ gdung khang mi'i dbang po'i phyag rgyas bcings te gsol 'debs su byed do/ /de'i tshe skye bo las dag pa la la dag gis lha'i bu mo yid du 'ong ba me tog gi chun po dag thogs te gdung khang du zhugs pa slar snod bzang po thogs nas nam mkha' la 'gro ba mngon sum du snang ba dang/ rtsa khams dag pa la la'i rmi lam du'ang de mthun byung ba'i stabs kyis gdung zhal myur du 'byed pa la mdun na'ang/ mkha' la spyod pa'i gnas kho na phrin las kyi tha gru yangs pa'i 'phen pa gtso bor gyur pa'i ltas su mngon te/ de yang bdag nyid chen po zhing la thegs pa'i de ma thag tu/ thams cad mkhyen pa karma pa'i zhabs drung du thugs dam bskul bar gsol ba 'debs pa'i zhu mchid rin po che'i rten dang bcas pa 'bul btang ba na/ gzhan snang du de lta bu zhu ba'i don po rnams spyan lam du ma son pa'i snga rol nas/ rgyal dbang nyid kyi bka' las/ kho bo'i mkhan po rin po che sku skye ba snga ma dga' ldan du rgyal tshab ma pham pa'i drung du