[A:167a-523] / /tshangs par spyod pa spyad pa yin/ da lta shambha la'i gling na chos kyi rgyal srid la 'khod par gyur to zhes 'khor gyi dbus su bka' stsal bar gyur/ rim gyis pho nya ba dag gis kyang zhabs drung du 'byor nas gang gsol ba'i don po rnams phul te/ de'i tshe rgyal dbang karma pas rje 'di'i dgongs pa rdzogs pa'i thabs la/ kong po lung pa'i dge 'dun 'dus so cog la bsnyen bkur 'gyed dang bcas pas nye bar mchod do/ /de nas pho nya ba dbang phyir ldog pa'i tshe/ rgyal dbang gsung gis/ khyed rang gnyis 'di nas yar slebs dus dgongs pa rdzogs pa'i thabs dngos gzhi grub 'gro/ 'on kyang gdung zhal 'byed pa dang nges par thug pa zhig yong te/ mi ma lags pa'i gdul bya skal ba can rnams kyis spyan drangs te cher lus pa dka'/ de dus nged la'ang gdung gi skal ba rtsod zhig cig/ ces bka' stsal ba ltar lam la chas pa na/ long por dus 'khrug pa'i rkyen la brten/ khong gnyis sa skor dgos pa'i stobs kyis zhag bzhi 'gyangs 'dug pa bzhin/ hor zla bdun pa'i nyer drug la gdung zhal 'byed rgyu'ang rkyen phran bu tsam gyis gnam gang gi bar 'gyangs/ de nas gnam gang gi nyi ma'i snga dro'i cha la babs