[A:167b-524] pa'i tshe/ bstan pa stobs kyis 'degs pa'i sa skyong ba'i dbang mo yum sras nye blon dang bcas pa spyan drangs te/ gdung khang rin po che bcom ldan 'das dus kyi 'khor lo'i dkyil 'khor chen po'i ngo bor bsgrub cing mchod pa dang/ bdag nyid 'jug cing dbang blang ba'i bar yongs su bsgrubs nas/ slar rdul mtshon spyan drangs pa dang chos mtshungs par zhal 'byed pa la mngon du phyogs pa'i tshe pho nya ba gnyis kyang 'byor/ rgyal ba karma pa'i lung/ gdung rin po che'i skal ba dgos tshul dang/ bdag cag mched la'ang sems ngal gso ba'i bka' shog kyang 'di ltar phebs/ karma pas don gyi slad du mtshan nas smos te/ mkhan chen rin po che chos grub seng ge'i nye gnas gnyis la bzlo ba/ yi ge gser gyi rten bcas 'dir 'phrod/ bdag gi bla ma de shes bya thams cad la chags pa dang thogs pa'i sgrib pa ring du spangs te/ dag pa dang ma dag pa'i zhing rnams su bsam gyis mi khyab par gyur pa'i 'chi 'pho ba'i tshul ston zhing smon lam yongs su rdzogs pa dang/ sems can yongs su smin par mdzad pa dang/ sangs rgyas kyi zhing yongs su sbyong ba sogs mdzad pa'i cho 'phrul bar mtshams med par ston pa sogs kyi mdzad pa mu ma mchis shing/ skabs 'dir mya ngan las 'da' ba'i tshul gyis