[A:168a-525] / /rang re rnams 'dul ba'i skal ba yod par dgongs te/ bsod nams spel ba'i slad du mdzad pa 'di bstan mod kyi/ byis pa tshe 'di la zhen par spyod pa dag ni bdag cag gi bla ma de dus 'di dang 'di zhes bya ba la 'das so zhes sdug bsngal bdag gir byed pa rnams shin tu ma shes pa yin la/ bdag ni dam pa de dang rnam pa thams cad du 'bral ba med pa'i blo thob pas skye ba dang tshe rabs thams cad du thugs rje chen po dang bdag nyid ro mnyam par gyur te/ de'i thugs kyi dgongs pa rdzogs par byed pa'i zag med kyi dge bas bskal ba'i bar du 'gengs par smon pa yod do/ /khyed rnams kyang de dang mthun par zag bcas dang zag med kyi dge ba sogs thugs dgongs rdzogs pa'i rim pa la 'bad cing/ tha mal pa rnams ltar sems las byas pa la dgos pa med pas de bzhin nges pa gal che/ rten bcas sogs rgya chen bskur na lam mgo ma thon dogs pa yin zhing/ 'on kyang stong pa min tsam du gos kha gang la brtags 'byar ba mchis/ hor zla bdun pa'i yar tshes la rtse lha sgang nas bris/ ces pa mi dbang yum sras kyi spyan ras kyi dpal du 'dzin pa mdzad/ de nas yid bzhin gyi nor bu'i gdung rin po che spyan 'dren par brtson pa na/ gdung rabs pa rang byon ring bsrel dang bcas pa rnams ni mi ma lags pa'i gdul bya rnams kyis spyan drangs/ ku