[A:607]
ཅིག་ཏུ་འདག་འབྱར་མཛད་ནས་ཐུགས་དམ་ལ་བཞུགས། དེ་ནས་རྗེ་ཞིག་ན་ནང་ན་མི་བཞུགས་པར་རིག་ནས་གྲྭ་པ་རྣམས་ཀྱིས་སྒོ་བསངས་ནས་བལྟས་པས་ན་གཟའ་ཤུལ་ཧ་རེ་མཁའ་སྤྱོད་དུ་གཤེགས་འདུག དེ་ནས་མཁའ་སྤྱོད་པར་གྲགས་སོ། །གོང་མ་ཡེ་དབང་གིས་ཐའི་སྐྱམ་ཆེན་པོ་གསེར་ཡིག་ཏུ་མངགས་ནས། རྒྱ་གར་ལྷོ་ཕྱོགས་ནས་བི་རཱུ་བ་སྤྱན་དྲངས་པའི་སྐབས་སུ། རྒྱ་ནག་གི་རྒྱལ་པོའི་ཕོ་བྲང་གི་ཐོག་ཏུ་བི་རཱུ་བའི་ཕྱགས་ཕྱིར་ཐུལ་བ་ཅིག་གསོལ་ནས་བྱོན་པ་ཡིན་ཞེས་པའི་གཏམ་ཡང་ཡོད་དེ། ཆོས་རྗེ་མཐོང་བ་དོན་ལྡན་ནི་ཀར་མ་དང་ཉེ་བའི་ས་ཆ་ངོམ་དུ། ཡབ་སྔགས་པ། ཡུམ་རྣལ་འབྱོར་མའི་རིགས་གཉིས་ཀྱི་སྲས་སུ། མེ་ཕོ་སྤྲེའུ་ལོ་ཟླ་བ་གཉིས་པའི་ཚེས་བརྒྱད་ལ་འཁྲུངས། ལྷུམས་སུ་ཞུགས་པའི་ཚེ་ཡབ་ཡུམ་ལ་རྨི་ལྟས་ཀྱང་བཟང་བར་རྨིས། སྐུ་བལྟམས་མ་ཐག་ཙོག་པུར་བཞུགས་ནས་ཡུམ་ལ་གཟིགས་ནས་བཞད་པ་དང༌། ལྟེ་བ་བཅད་པས་དྲི་བཟང་གིས་ཡུལ་ཁམས་ཁྱབ་པའང་བྱུང༌། སྤྲེ་ལོ་ཟླ་བ་གསུམ་པའི་ཚེས་བཅུ་གཉིས་ཀྱི་ཉིན་ངོམ་པ་བྱ་བྲལ་བའི་སར་བསོད་སྙོམས་སློང་དུ་བྱོན་པ་ན། ངོམ་པ་བྱ་བྲལ་བ་གཟིགས་མ་ཐག་དགྱེས་པའི་རྣམ་འགྱུར་དུ་མ་མཛད། ཨ་ཨ་ཞེས་རྒྱུན་དུ་གསུང༌། དེ་ནས་ལྐོག་ཏུ་ཁྱོད་སུ་ཡིན་བྱས་པས་མཛུབ་མོ་ལ་ཕྱག་གིས་འཇུས་ནས། ད་ནི་སྐྱེ་མེད་བརྗོད་པ་ཀུན་དང་བྲལ། །གནས་མེད་གནས་བྲལ་འཁོར་བའི་འགྲོ་བ་རྣམས། །མ་ལུས་ཐར་པའི་གནས་སུ་འདྲེན་པའི་ཕྱིར། །སྐྱེ་འགྲོ་ཀུན་གྱི་དཔལ་ཏུ་བདག་གྱུར་ཏེ། །ན་མ་ཚར་བར་ཡུལ་གཞན་མི་