[A:608]སྤོ་འདུག །ཞེས་གསུངས་ནས། ད་དུང་ཞག་འགའ་གསོངས། ཨ་ཨཱ་ཨི་ཨཱི་ཨུ་ཨཱུ་ཞེས་གསུངས་པས། ངོམ་པ་བྱ་བྲལ་བ་དད་ནས་ཞབས་ཏོག་བྱས། ཟླ་བ་བཞི་ལོན་དུས་སུ་བྱ་བྲལ་བ་དམར་ཁམས་སུ་བྱོན་པ་དར་མས་གསང་ཟེར་བའི་སྐད་ཆེན་པོ་བྱུང་བས་ཐམས་ཅད་སྡུག་བསྔལ་བ་ལ་ཁོང་མཉེས་པའི་རྣམ་འགྱུར་དང་བྲོ་ཡང་མཛད། ཡུམ་གྱི་བྱ་བྲལ་བ་ལ་ཅི་བྱུང་དགོངས་སམ་ཞུས་པས། ཅི་ཡང་མ་ཉེས་ཕྲད་འོང་གསུང༌། དེ་ལ་སོགས་པ་འདས་མ་འོངས་མང་དུ་གསུངས། ཟླ་བ་བདུན་བཞེས་པ་ནས་སངས་རྒྱས་ཀྱི་མཚན་སྒྲོག་པ་དང་ཡི་གེ་དྲུག་པ་གསུངས། ཁྲི་ཐོག་ཏུ་བཞུགས་ནས་བྱིན་རླབས་མཛད་པའང་བྱུང༌། ཉ་ཁང་དུ་སྤྱན་དྲངས་པའི་ཚེ་རྟེན་རྣམས་ལ་གཟིགས། ཁྱད་པར་ཞྭ་ནག་ཅན་ལ་གཟིགས་ཤིང་བཞེད། འདི་སུ་ཡིན་ཞུས་པས་བདག་ཡིན་གསུང་ནས་ཐུགས་ཀར་ཕྱག་འཛུགས། ཡབ་ཀྱི་བང་ན་ཡོད་པ་ལ་ངོམ་པ་བྱ་བྲལ་བས་ཕྱག་ལ་འཇུས་ནས། ཁྱོད་སུ་ཡིན་གསུངས་པས། ང་དེ་བཞིན་གཤེགས་པའི་སྐྱེ་བ་ཡིན་ཤེས་སམ་གསུང༌། ངོམ་པ་དང་རི་བོ་ཆེ་བ་མ་འཆམ་པ་ལ་འདི་བཞིན་བྱས་ན་འདི་ལྟར་རྒྱལ་བར་འགྱུར་གསུང་བ་བཞིན་དུ་བྱས་པས་ཡུལ་ཁམས་བདེ་བར་གྱུར། བྱ་ལོ་ཟླ་བ་གཉིས་པ་ལ་ལྷ་ཁྱིམ་དུ་ཕེབས་པའི་ཚེ། བླ་མ་གཅོད་པའི་དཔོན་པོས་རེ་ནི་གང་ཡིན་ཞུས་པས། དགོན་པ་ལ་ཕྱག་མཛུབ་གཏད་ནས་འདི་ཡིན་གསུང༌། དགོན་དུ་ཕེབས་ནས་དུས་གསུམ་མཁྱེན་པའི་སྐུ་འབུམ་ངོས་གཟུང༌། ཞྭ་ནག་བླངས་ནས་ང་རང་གི་ཡིན་གསུང་ནས་བསྣམས། གཞན་ཡང་མངོན་