[A:625]བྲག་དཀར་དང་ཁུ་བྱུག་དབེན་པ་རྫོང་དང་བྲག་དམར་གསུམ་དུ་ཤས་ཆེར་བཞུགས་ཤིང༌། གཞན་རྣམས་སུ་ཡང་གནས་འབྲེལ་རེ་མཛད། རྗེ་བཙུན་དང་ཡང་མནལ་ལམ་དུ་མཇལ་ཞིང་མགུར་གསུངས། ཐུགས་དམ་ཀྱང་ཤིན་ཏུ་འཕེལ། དེ་ཕྱོགས་སུ་ལོ་གསུམ་བཞུགས། འཕགས་པ་ཝ་ཏི་ཡང་མཇལ། དེ་ནས་ཕྱིར་ལོག་སྟེ་ཆོས་རྗེའི་འཁྲུངས་སར་ཡང་བཞུགས་ཤིང༌། དིང་རིར་ཡང་བྱོན། དེ་ནས་སྦུ་ཏྲར་བྱོན་པས་གྲུབ་ཆེན་པའི་སྐུ་སྐྱེ་བཙུན་ཆུང་ལོ་བཅུ་གསུམ་ལོན་པ་དབང་པོ་དྭངས་པ་ཅིག་འདུག་པ་ལ་ཡང་ཆོས་འབྲེལ་གསན་ཞིང༌། མཁན་ཆེན་བསོད་ནམས་འོད་ཟེར་ལ་ཡང་ཆོས་ཞུས། དེར་དཔོན་ཆེན་དབོན་པོ་ཏིང་འཛིན་བཟང་པོ་དང་མཇལ། གསེར་སྲང་གང་ཁོང་གིས་ཕུལ། དེ་ནས་བདེ་ཆེན་དུ་ཆོས་རྗེའི་དྲུང་དུ་ཕེབས། ལོ་རིལ་པོ་ལྔའི་བར་དུ་བདེ་ཆེན་དུ་ཐུགས་དམ་ལ་བཞུགས་ཤིང་ཆོས་མང་དུ་གསན། མཁན་ཆེན་གཞོན་ནུ་བྱང་ཆུབ་དང་སློབ་དཔོན་བཀྲ་ཤིས་རིན་ཆེན་ལ་སོགས་པ་ལས་བསྙེན་པར་རྫོགས། མཁན་པོ་ལ་ཆོས་འགར་ཡང་གསན། དེར་ཚོགས་གྲལ་ཅིག་ཏུ་འོད་གསལ་གྱི་ངང་དུ་དྭགས་ལྷ་སྒམ་པོའི་རི་དང་དྭགས་པོ་ལྷ་རྗེ་འཇའ་འོད་ཀྱི་དཀྱིལ་ན་བཞུགས་པ་གཟིགས་པའི་མོད་ལ་སྔོན་གྱི་གནས་རྗེས་སུ་དྲན་པར་གྱུར་ཏེ། སྐུ་སྐྱེ་སྔ་མ་རྣམས་གསལ་བར་གཟིགས་ཤིང་དེའི་མགུར་ཡང་གསུངས། འོད་སྟོན་དང་གཡམ་བཟངས་པ་གཉིས་ཀྱང་དེ་དུས་ནས་སློབ་མ་ཡིན་ཚུལ་ཡང་གསུངས། སྐབས་ཤིག་ཏུ་ཆོས་རྗེ་རང་བྱུང་བ་བསྙུངས་ནས་འོ་སྐོལ་ལ་གཙང་ཕྱོགས་ན་གཏད་བྱེད་མི་