[A:631]དང༌། ས་སྡེ་ལྔ་དང༌། མངོན་པ་ཀུན་ལས་བཏུས་དང༌། ཐུབ་པ་དགོངས་རྒྱན་དང༌། སྙན་དངགས་མེ་ལོང་དང༌། མཚན་བརྗོད་ལ་སོགས་པ་མང་དུ་ཞུས། གཡུང་སྟོན་པ་ལ་ཡེ་ཤེས་གསང་རྫོགས་ཀྱི་རྒྱུད་གདམས་པ་དང་བཅས་པ། གསང་སྙིང་དབང་དང་བཅས་པ། ཨ་རོའི་གདམས་པ་སྤུངས་སྐོར་དང་བཅས་པ། མཁའ་འགྲོ་སྙིང་ཐིག་གི་དབང་ཁྲིད་ལུང་དང་བཅས་པ། ཨ་རོའི་རྒྱུད་ཆུང་གི་ལུང༌། ཙ་མི་འགྱུར་གྱི་དུས་འཁོར་རྒྱུད་འགྲེལ་གྱི་ལུང་དབང་དང་བཅས་པ། གཤིན་རྗེ་གཤེད་ཀྱི་ལུང༌། མདོ་དགོངས་འདུས། སེམས་སྡེ་མ་བུ་བཅོ་བརྒྱད་ལ་སོགས་པ་ཞུས། བུ་སྟོན་པ་ལ་དུས་འཁོར་ཡོངས་རྫོགས་ཀྱི་དབང་བསྐུར། རྒྱུད་འགྲེལ་གྱི་བཤད་པ། གསང་འདུས་ཀྱི་དབང་དང་མན་ངག་གི་ཁྲིད། རྒྱུད་ཀྱི་བཤད་པ། སྤྱོད་བསྡུས། གྲུབ་པ་སྡེ་བདུན། ཕར་ཕྱིན་རྣམ་ངེས་རྣམས་དང༌། གཤེད་དམར་རྫོགས་རིམ་སོགས་མང་དུ་གསན། འཆིམས་བློ་བཟང་གྲགས་པ་ལ་བསླབ་བཏུས་དང༌། དབུ་མ་འཇུག་པ་སོགས་ཞུས། ཀུན་མཁྱེན་དོལ་བོ་བ་ལ་དུས་འཁོར་རྒྱུད་འགྲེལ་གྱི་བཤད་པ། མཆོག་དབང༌། སྦྱོར་དྲུག་གི་ཁྲིད། ངེས་དོན་རྒྱ་མཚོ་སོགས་མང་དུ་གསན། དཔལ་ལྡན་བླ་མ་དམ་པ་ལ་གུར་རིགས་བསྡུས་ཀྱི་དབང༌། དབུ་མ་ལུགས་ཀྱི་སེམས་བསྐྱེད། ལམ་འབྲས་ལ་སོགས་གསན། སྤྱིར་བླ་མ་བརྒྱ་རྩ་བརྒྱད་བསྟེན་ཞིང༌། ལ་ལར་ཆོས་ཐུན་རེ་ཙམ་དང༌། ལ་ལར་སྒྲུབ་ཐབས་ཆ་རེ་ཙམ་རེ། ལ་ལར་མདོ་རྒྱུད་དགོངས་འགྲེལ་རྒྱ་ཆེན་པོ་གསན། སྐུ་ཚེའི་སྟོད་ལ་ཡོ་བྱད་སྲབ་