[A:649]ངུ་ཅིག་ལ་ལན་གཉིས་སུ་བྱོན། ཆོས་རྗེའི་དྲུང་དུ་ཉིད་ཀྱི་གསུང་སྒྲོས་སྐོར་དང་བསླབ་བཏུས་གསན་ཞིང༌། ཆོས་རྗེའི་དྲུང་དུའང་ཆོས་མང་དུ་ཕུལ། དེ་ནས་མཁན་ཆེན་ཤཱཀྱ་གྲགས་པ་ལ་རི་ཆོས་སྐོར། འབྲུག་སྐོར་ཞི་བྱེད་སོ་ལུགས་ལ་སོགས་པའི་ཆོས་མང་དུ་གསན། དེ་ནས་དགའ་མ་མོའི་ལྷ་ཁང་བཞེངས་པའི་གྲབས་མཛད་པས་རྡོ་མ་རྙེད་པ་ལ་ཉིད་ཀྱིས་རྡོའི་གཏེར་ཆེན་པོ་བཏོན། དེ་ནས་སྤོ་བོ་སྟོད་སྨད་ཐམས་ཅད་དུ་སྤྱན་དྲངས་ནས་བྱོན། ལྷ་བཟོའི་རྗེས་སུ་འབྲང་བའི་གདོན་ལ་བསྐྲད་པའི་སྦྱོར་བ་མཛད་པས་དངོས་སུ་སྐད་འདོན་པའང་བྱུང༌། དུས་དེར་སྟག་ལུང་ཆོས་རྗེ་བྱང་ཆུབ་རྒྱ་མཚོ་པ་བྱོན་པ་དང་མཇལ། ཆོས་ཀྱང་ཕར་གསན་ཚུར་གསན་མཛད། དགའ་མ་མོར་རྒྱུད་འབུམ་གསུངས། དེ་ནས་མར་ར་སྟེངས་སུ་དངོས་པོ་མང་དུ་གནང་ནས་ཉིན་ལམ་བཅུ་གཉིས་ཀྱི་བར་གྱི་འཁྲུགས་པ་ཐམས་ཅད་ཞི་བར་མཛད། རྒྱ་ལས་འགོངས་པ་དག་ལ་ཕྲིན་ལས་བསྐུལ་བས་གཙང་པོ་འགྱུར་ནས་གྲོང་འགྲམ་དུ་འབབ་པ་དང༌། གཏོར་མ་མཛད་པས་ཆོས་སྐྱོང་ཞལ་གཟིགས་པ་དང༌། འཛིན་མཁན་མེད་པར་དར་ནག་འགྲེང་བ་ལ་སོགས་པའི་ཆོ་འཕྲུལ་དུ་མ་བྱུང་ངོ༌། །དེ་ནས་སུམ་མཁར་གྱི་ས་ཆར་སྐུ་མཚམས་ཤིན་ཏུ་དམ་པར་མཛད་དེ་བཞུགས་པ་ན། ཆོས་རྗེ་མཐོང་བ་དོན་ལྡན་མཉེལ་བ་གསན་ནས། གློ་བུར་དུ་ཀོང་བོ་ནས་མྱང་བོ། ལྷོ་རོང༌། རི་བོ་ཆེ་རྣམས་སུ་བྱོན། ངོམ་ཆུའི་འགྲམ་དུ་སྒར་པའི་དབོན་རྣམ་པས་བསུ་བ་ལ་བྱོན་ནས་ཀར་མར་ཕེབས། དྲུང་དུ་མཇལ། སྐུ་རིམ་མཛད་ནས་གདུག་