[A:659]བ་ལ་བྱོན། ཁོང་འགའ་ཞིག་གི་ཆོས་ཟིན་པ་དང་འོ་སྐོལ་གསུང་གླེང་བྱའོ་གསུང་བས། དེའུ་ཤར་མའི་ཁར་བྱོན་ནས་མནོ་བསམ་མཛད་པས། ཇི་ཞིག་ལྟར་ལ་སྔར་གྱི་ཆོས་ཐམས་ཅད་ཕྱི་ཤུན་དང་སྦུན་པར་སོང་ནས་ནམ་མཁའ་རྣམ་པར་དག་པ་ལྟ་བུའི་རྟོགས་པ་བཟང་པོ་འཁྲུངས།། ཐུགས་རབ་ཀྱང་ནམ་མཁའ་ལ་མདུང་སྐོར་ལྟར་སོང་བྱུང་། དེ་ནས་ཡང་སྤྱན་སྔར་བྱོན་པ་དང་སྒམ་པོ་བས་མཁྱེན་ཏེ། ད་ང་ལ་ཡང་དེ་བས་ལྷག་པ་བསྟན་རྒྱུ་མེད། འོ་ན་ཡང་ང་རང་གི་ལུགས་ཁྲིགས་སྐད་དེ་བ་ཅིག་ཡོད་པ་དེ་བྱ་དགོས་གསུང་ནས། ལྷན་ཅིག་སྐྱེས་སྦྱོར་གྱི་ཁྲིད་གནང༌། དེར་བླ་མ་ལ་ངོ་བོའི་ཕྱོགས་ཀྱི་དྲི་བ་འགའ་ཞིག་ཞུས་པ་ལ། དགེ་བཤེས་པ་ཁྱོད་ཀྱིས་ཆོས་ལེགས་པར་གོ་བ་འདུག་པས། ངས་འཆད་དགོས་གསུང་ཞིང༌། ཁོ་བོ་ས་བཅུ་པའི་བྱང་ཆུབ་སེམས་དཔའ་ཡིན་པར་གསོལ་བྱ་བ་ཡང་གསུང༌། དེ་ནས་རིང་པོ་མ་ལོན་པར་རྗེ་སྒམ་པོ་བ་སྐུ་གཤེགས་ནས། སྒམ་པོ་ཉིད་དུ་སྐུ་འབུམ་ལ་སོགས་པའི་བྱ་བ་དང༌། སློབ་དཔོན་སྒོམ་པའི་སྡུག་གྲོགས་མཛད་དེ་བཞུགས། དེ་ནས་ཡར་བྱོན་ཏེ་བླ་མ་ས་སྐྱ་བ་ཆེན་པོ་དེ་སྔར་ང་ལ་ཁམས་པ་ཤེས་རབ་ཅན་གསུང་ཞིང་མཉེས། ང་ཤེས་རབ་འདི་འདྲ་བ་སྐྱེས་པས་ཁོང་གི་དྲུང་དུ་ཕྱིན་ལ་ཞུ་དགོས་དགོངས་ནས། སླར་ཡང་ས་སྐྱར་བྱོན་པས། དེ་རེས་ནི་དྲི་བ་ཙམ་ཡང་མི་མཛད་པར་སྤྱན་རྩ་འགྱུར་འདུག་པས། ཕྱིར་འོན་ཏུ་ཕེབས་ནས་མཚལ་སྒང་དུ་བཞུགས། དེར་སློབ་མ་ཡང་མང་དུ་འདུས། ལོ་ངོ་ལྔ་ཙམ་གྱི་བར་དུ་སློབ་མ་འདུས་པ་རྣམས་དྭགས་པོའི་གདམས་པ་གཙོ་བོར་གྱུར་བའི་