[A:672]ཙམ་མཛད་ཀྱང༌། ལྕགས་ཕོ་སྟག་གི་ལོ་མཇུག་ནས་མེ་ཕོ་སྤྲེའུའི་བར་ལོ་བདུན་དུ་གདན་ས་བ་མེད། མེ་མོ་བྱ་ནས་ས་མོ་ཕག་གི་བར་ལོ་ངོ་གསུམ་དུ་འབྲི་ཁུང་ཆོས་རྗེས་གདན་ས་མཛད་པ་ལ་ལོངས་སྤྱོད་ཀྱང་ཆུང་ཞིག་མཁན་པོ་བ་ལ་སོགས་པའི་གྲྭ་པ་རྣམས་ཀྱང་དད་པ་ཆུང་ཞིང་རེ་ཆེ་བར་བྱུང་བས། འགྲོ་མགོན་ལ་གསོལ་བ་བཏབ་པ་ན། འགྲོ་མགོན་བྱོན་ནས་ཟ་འོག་གི་འབོལ་རྙིང་པ་ཞིག་འདུག་པ་འདི་ཁོང་རང་ཚོ་ལ་གཏོང་ལ། ཁྱོད་རང་དབུ་རུ་བྱང་ཕྱོགས་སུ་སོང་གསུང་བའི་ལུང་བསྟན་བྱུང་བས་ནམ་ཕྱེད་ན་དཔོན་གཡོག་ལྔས་བྲོས་བྱོན་པས། གནས་པོ་རྡོ་བའི་སར་ཚ་བ་ལ་ཕེབས། དེས་ཞབས་ཏོག་བྱས་ཤིང་ཕྱམ་ཚེ་གསར་པ་ཅིག་ཀྱང་ཕུལ། གསང་ཕུ་ནས་ལམ་བརྒྱུད་ནས་འབྲི་ཁུང་དུ་ས་མོ་ཕག་ལ་ཕེབས་སོ། །དེ་ལྟར་ས་མོ་ཕག་གི་སྨད་ནས་མེ་མོ་ཡོས་ཀྱི་བར་ཡང་གདན་ས་པ་མེད། འོན་ཀྱང་སྟག་ལུང་ཆོས་རྗེས་དགུང་ལོ་ལྔ་བཅུ་རྩ་བདུན་བཞེས་ཤིང༌། འབྲི་ཁུང་ཆོས་རྗེས་ལྔ་བཅུ་རྩ་དྲུག་བཞེས་པ་ས་ཕོ་རྟའི་ལོ་ལ་གཙུག་ལག་ཁང་ཆེན་མོ་བཞེངས་ཏེ། དེ་ཡང་མང་འགར་སྒང་དུ་བཞེངས་ན་རྡོ་རྗེ་གདན་ཚུན་ཆད་འདུ་བ་ཅིག་འོང་བྱས་ནས་འབྲི་ཁུང་པས་གསུངས་པ་ལ། སྟག་ལུང་བས་ངའི་བླ་མའི་སྐུ་རྗེན་པར་འཇོག་པ་མི་འོང་གསུང་ནས། གཙུག་ལག་ཁང་གི་ནང་དུ་འཇག་སྤྱིལ་ཡོད་པ་ཅིག་བྱེད་དགོས་བྱུང་བས། རྣམ་པ་གཉིས་པོས་བྲག་རྐོན་ཆེན་མོ་མཛད་ཅིང་གཙུག་ལག་ཁང་ལེགས་པར་བཞེངས། དེར་རྟེན་དང་གསུང་རབ་ཀྱང་མང་དུ་བྱུང༌། ཕྱི་ནས་ངམས་ཤོད་ཀྱི་བཙད་པོ་གཉིས་མ་