[A:696]བསྒོམས་པས། རྐེད་པ་རྨར་སོང་སོང་དུ་བསྒྲུབས་པས་ཏིང་ངེ་འཛིན་བཟང་པོ་ཡང་དག་པ་འཁྲུངས། གོང་མ་ཆེན་པོས་བཀའ་བཀྱོན་པས་སྐུ་མཆེད་གཞན་གཉིས་ཀྱིས་གཉེར་བ་ལ་བཀའ་ལུང་མཛད་དེ་གསོལ་ཆས་རྣམས་གསངས་ནས་བསྐྱལ། དེ་ནས་ལོ་གསུམ་སོང་བ་དང་ཆོས་རྗེ་བྱང་རྒྱལ་བས་གོང་མ་ཆེན་པོ་ལ་ཞལ་བརྡ་ཞུས་ནས་ཐུགས་ཁྲེལ་སངས་བ་མཛད་དེ། ཡོན་མཆོད་གཉིས་རྒྱལ་བཟངས་ན་བཞུགས་པའི་དྲུང་དུ་བྱོན། གོང་མ་ཆེན་པོའི་དགོངས་པ་ལ་འདི་ཅུང་ཞིག་དམའ་དབབ་དགོས་དགོངས་ནས། ཆེན་པོ་ཡོན་རིན་པ་བགྲོ་གླེང་ཞུར་བཅུག་པས། ཆོས་རྗེ་ཉིད་ལེགས་པར་རྒྱལ་བས་ཁྱེད་ཆེན་པོ་བ་དབུས་ཕྱོགས་ན་སྟོན་པ་བཟང་སྟེ། བགྲོ་གླེང་འམ་དེ་ངའི་སློབ་དཔོན་དེ་བཟང་བར་འདུག་གསུངས་པས། དེར་གོང་མ་ཆེན་པོ་ཡང་སྔར་གྱི་གཏམ་ཐམས་ཅད་མི་བདེན་པར་འདུག་དགོངས་ནས་ཐུགས་ཁྲེལ་ཐམས་ཅད་སངས། དེ་ནས་སློབ་དཔོན་ཤེར་དོན་པ་དང་དཔོན་སློབ་ལྷན་དུ་བཞུགས་པས་ཆོག་པ་བྱུང༌། དེ་རྗེས་གཡང་ཧྲིལ་དུ་ཕེབས། བླ་ཆེན་པ་ལ་གདམས་ངག་གི་འཕྲོ་རྣམས་ཚོགས་ཆོས་སུ་གསན་པའི་ཚེ། ཉིན་ཅིག་ཕྱག་རྒྱ་ཆེན་པོའི་རྟོགས་པ་ནམ་མཁའ་དང་མཉམ་པ་འཁྲུངས། སྔར་མ་བསླབས་པའི་གསུང་རབ་ཐམས་ཅད་ཀྱང་གཟིགས་པ་ཙམ་གྱི་མཁྱེན་པ་བྱུང༌། འདི་ནི་བཀའ་བརྒྱུད་པ་དག་གི་ལུགས་ལ་ཡོན་ཏན་ཁྱད་པར་ཅན་སྐྱེ་བའི་སྔ་རོལ་ཏུ་གེགས་འབྱུང་ཞིང༌། གེགས་དེ་ལས་གྲོལ་མ་ཐག་ཏུ་ཡོན་ཏན་སྐྱེས་པ་མང་དུ་བྱུང་སྣང་བས། འདིར་ཡང་དེ་དང་འདྲ་བར་