[A:697]གོའོ། །དེ་ནས་གདན་ས་དང་རྩེས་ཐང་ལ་སོགས་པར་ཡང་ལོ་ཤས་བཞུགས། མཁན་པོ་སངས་རྒྱས་བློ་གྲོས་པ། ལས་སློབ་དགྲ་བཅོམ་པ་རྒྱལ་མཚན་བཟང་པོ། གསང་སྟོན་མཁན་ཆེན་བཀའ་བཅུ་པ་བསོད་ནམས་སེང་གེས་མཛད་ནས་བསྙེན་པར་རྫོགས། གཞན་ཡང་སློབ་དཔོན་ཤེར་དོན་པ། ལྷོ་རིན་པོ་ཆེ་གྲགས་པ་ཡོན་ཏན། ཆོས་རྗེ་ཀུན་སྤངས་པ། ཆོས་རྗེ་དེ་བཞིན་གཤེགས་པ། ཆོས་རྗེ་བློ་བཟང་གྲགས་པ། མཁན་ཆེན་རྒྱལ་དབང་བློ་གྲོས་པ། ཆོས་སྒོ་པ་ཆོས་དཔལ་ཤེས་རབ་ལ་སོགས་པ་རྣམས་ལས་ཆོས་མང་དུ་གསན། དེ་དག་གི་སྐབས་ཤེད་དུ་སྣར་ཐང་མཁན་ཆེན་གྲུབ་པ་ཤེས་རབ་པ་ལ་སོགས་པའི་སྣར་ཐང་པའི་ཆེ་བགྲེས་རྣམས་གྲོས་མཛད་ནས་སྣར་ཐང་དུ་སྤྱན་དྲངས་ཏེ། སྣར་ཐང་སྡེ་མ་ལག་དུ་བཅས་པ་ཕྱག་ཏུ་ཕུལ། དེ་ནས་ཕྱིར་ཕེབས་ལོ་གཅིག་གི་བར་དུ་ཐུགས་རླུང་གི་བསྙུན་དྲག་པོ་ཅིག་བྱུང་ཡང་གཞན་གིས་མི་མངོན་པར་མཛད། དགོན་གསར་དུ་བྱོན་པའི་ཉིན་ཅིག་བསྙུན་དེ་ལས་གྲོལ་བས། ཨ་ལ་ལ་སྣང་བའི་བདེ་ཤ་ལ། ཞེ་བྱ་བ་ལ་སོགས་པའི་མགུར་གསུངས། དེ་ནས་ནི་རྟོགས་པ་ལ་འཕེལ་འགྲིབ་མེད། མནལ་ཡང་འོད་གསལ་འབའ་ཞིག་ཏུ་གྱུར། མནལ་འཐུག་པོར་སོང་འདུག་བསམ་པའི་ཚེའང་བཟླས་བརྗོད་མཛད་པའི་ཕྲེང་བའི་གྲངས་མི་འཆོལ། ཕྱག་རྒྱ་ཆེན་པོའི་ངང་ལས་ནམ་དུ་ཡང་མི་གཡོ་བར་བཞུགས་པ་ལས། སྤྱན་སྔ་ཉེར་བརྒྱད་པ་ཞི་བར་གཤེགས་པའི་གཤེགས་རྫོངས་ཀྱི་གྲལ་དབུ་ལ་སྟག་ལུང་ཆོས་རྗེ་བཀྲ་ཤིས་དཔལ་རྩེགས་ཉི་མའི་དབང་པོ་བསྲུང་