[A:708]མ་བྱང་ཆུབ། བྱ་ལུང་པ་བྱང་ཐང་རས་པ། གཡག་རུ་དཔལ་གྲགས། སྤྲ་གངས་པ། འཇུ་གེ་གངས་པ། འབུ་བན་གངས་པ། བྱང་ཆུབ་རྡོ་རྗེ་ལ་སོགས་པ་མང་དུ་བྱོན་ནོ། །དེ་ལ་གཉོས་རྒྱལ་བ་ལྷ་ནང་བ་ནི། གཉོས་ལོ་ཙཱ་བའི་བརྒྱུད་པ། ཆོས་དང་འཇིག་རྟེན་གྱི་འབྱོར་པ་ཆེན་པོ་ཅན་གཉོས་ནག་གྲགས་པ་དཔལ་གྱི་སྲས་སུ་ཤིང་ཕོ་སྤྲེའུ་ལ་འཁྲུངས། འདི་བླ་མ་ཞང་གིས་ནག་པོ་སྤྱོད་པ་བར་ངོས་གཟུང༌། གཞོན་པའི་དུས་སུ་ཡབ་ཀྱིས་ཆོས་རྣམས་ལེགས་པར་བསླབས། མཚན་ཉིད་ཀྱི་སར་ཡང་སྦྱངས་པ་ཆེན་པོ་མཛད། ཡབ་མེད་རྣམས་བཞིན་དུ་རྒྱ་གར་དུ་ལོ་ཙཱ་སློབ་ཏུ་འགྲོ། དེ་ལ་འབྲི་ཁུང་ཆོས་རྗེའི་ཞལ་ཅིག་བལྟས་ནས་བར་ཆད་མི་འོང་བའི་ཐབས་ཞུ་སྙམ་སྟེ་བྱོན་པས་ཆོས་རྗེ་མལ་གྲོར་ཕེབས་པ་དང་མཇལ། ཆོས་རྗེའི་གསུང་གིས་ཐག་མ་རྡོར་གཞོན་ལ་རབ་བྱུང་བསྙེན་རྫོགས་གྱིས་ལ། གཟོད་ངའི་ཐད་དུ་བྱོན་གསུང་བས། ཐག་མས་མཁན་པོ་དང་སྦལ་ཏིས་སློབ་དཔོན་མཛད་ནས་ཚིག་རྫོགས་མཛད། སླད་ཀྱིས་འབྲི་ཁུང་དུ་བྱོན་གདམས་པ་གསན་ཞིང་སྐུ་ཉམས་སུ་བཞེས་པས་རྟོགས་པ་ཁྱད་པར་ཅན་འཁྲུངས། ལུས་དང་ལོངས་སྤྱོད་དང་འཁོར་ཐམས་ཅད་ཆོས་རྗེ་ལ་ཕུལ། ཕྱིས་ཏི་སེའི་ལྷ་ནང་དུ་སྒྲུབ་པ་མཛད་པས་རྒྱལ་བ་ལྷ་ནང་པར་གྲགས། ཕྱགས་ཕྱིར་དགེ་འདུན་ཡང་དཔག་ཏུ་མེད་པ་འདུས་ནས་ལྷོ་མོན་དང་དབུས་གཙང་དུ་དགེ་འདུན་གྱི་ཚོགས་པ་བསྐྱངས། ཆོས་ཀྱི་འཁོར་ལོ་བསྐོར། སྐུ་ཚེའི་སྨད་ལ་བྱང་དུ་ལྷ་ཐེལ་རིན་ཆེན་གླིང་བཏབ། དེ་ནས་རིང་པོ་མ་ལོན་པར་དྲུག་ཅུ་རྩ་