[A:712]གསོས། བླ་མའི་ཞབས་ཏོག་དང་མཁྱེན་པ་གཉིས་ཀ་ལ་མཐའ་མེད་པས་ཐམས་ཅད་ཀྱིས་སློབ་དཔོན་པ་ཞེས་ཟེར། བཀའ་ནན་གྱིས་གདན་ས་གྱིས་གསུང་བ་ལ་སྒྲུབ་པ་འབའ་ཞིག་བྱེད་པར་ཞུས་པས་ཕྱིས་དེ་ཀ་ཙུགས་རྗེས་སུ་ཡང་གནང༌། འཇིག་རྟེན་མགོན་པོའི་བཀྲ་ཤིས་སྒོ་མངས་ཀྱི་ནང་རྫོངས་དང་རྟེན་འབྲེལ་ཐམས་ཅད་ཀྱང་ལྷུར་བླངས། གཤེགས་རྗེས་སྐུ་གདུང་གི་གཉེར་མཛད་དེ་ཅུང་ཟད་ཀྱང་མ་གོད་པར་རིན་པོ་ཆེའི་ཟ་མ་ཏོག་ཁ་སྦྱར་དུ་བཞུགས་སུ་གསོལ་ནས་བྲེའི་ནང་ན་བཞུགས། སྐུ་འབུམ་ཆེན་མོ་རྩིག་པའི་དང་ངོས་དང་ནང་བཞུགས་འབྲི་ཁུང་ཐེལ་བ་ཡུན་རིང་དུ་བཀྲ་ཤིས་པའི་རྟེན་འབྲེལ་རྣམས་ཀྱང་མཛད། དགོངས་པ་རྫོགས་ཐབས་རྣམས་ལེགས་པར་གྲུབ་ནས་ས་ཕོ་སྟག་གི་ལོ་གནམ་མཚོར་བྱོན། མཆོག་དགོན་དུ་བཞུགས། ས་མོ་ཡོས་བུའི་ལོ་ལ་ཏི་སེར་ཐེགས། མངའ་བདག་ཨ་དི་ག་ལ་ཕྱག་རྒྱ་ཆེན་པོའི་ཁྲིད་གནང་རོ་གཅིག་གི་རྟོགས་པ་ལ་བཀོད། མངའ་བདག་ཡ་ཙེ་བ་དཔུང་བསྐྱེད་ནས་བྱུང་བའང་ཤིན་ཏུ་མོས་པར་གྱུར་ནས་དབང་དང་སེམས་བསྐྱེད་གནང༌། དེ་ལ་སོགས་པའི་གཞན་དོན་གྱི་མཛད་པ་མཐའ་མེད་པ་མཛད། པཎྜི་ཏ་མང་པོ་དང་མཇལ་བའང་དེ་རྣམས་ཤིན་ཏུ་མོས་པར་གྱུར། དེའི་ཚེ་ནང་ནད་དང་འཁྲུག་ལ་སོགས་པའི་སློངས་མང་པོ་བྱུང་བ་ལ་བརྟེན་ནས་རྒྱུ་འབྲས་རྟེན་འབྲེལ་ཐམས་ཅད་མངོན་དུ་གྱུར། ས་བཅུ་པ་བར་དོན་གྱིས་ཞལ་གྱིས་བཞེས། སྟོད་ཕྱོགས་སུ་ལོ་བདུན་བཞུགས་ནས་སོ་དགུ་པ་ཤིང་མོ་བྱའི་ལོ་ལ་འབྲི་ཁུང་དུ་བྱོན། བྱ་དེའི་ལོ་མཇུག་ལ་ལྷོ་བྲག་ལ་ཐེགས། ལམ་དུ་བསམ་