[A:726]ནས་མི་འབྲལ་བ་དྲན་པ་གསུམ་གྱི་ཆོས་གསུངས། དེ་ནས་ལོག་ནས་ཀོ་ཁྱིམ་དུ་བཞུགས། དེ་ནས་བསུ་མི་ལ་ཕོད་མདོ་བས་ཞུ་བ་བྱས་ནས་ཁམས་སུ་ཐེགས་མ་དགོས་པར་ཚུར་སྤྱན་འདྲོངས། དེའི་ཕྱི་ལོའི་དབྱར་བཀྲབ་ཏིང་ན་བཞུགས། དེའི་ཚེ་ཤེ་པ་དར་རེ་བསད་ནས་དར་ཡུལ་བ་དང་རོང་པ་མ་འཆམ་པའི་བར་དུ་སྤྱན་དྲངས། དར་རེའི་མགོ་ཕུལ། ཤ་བཙོན་མང་དུ་ཡོད་པ་བཏང་ནས་དར་རོང་གཉིས་དབང་དུ་འདུས། དེ་ནས་སྤྲས་པས་སྤྱན་དྲངས་ཏེ་སྤྲས་པ་དབང་དུ་འདུས། འཕྲལ་གྱི་རྣམ་ཐར་མཛད་ལུགས་ཟླ་བ་གཅིག་གི་ཚེས་གཅིག་ནས་གནམ་སྟོང་གི་བར་གྱི་མཛད་ལུགས་ནི་ཐོ་རངས་སྔ་མོ་ནས་བཞེངས་ནས་སྐུ་ཁྲུས་མཛད། དེ་ནས་ཕྱག དེ་ནས་མཎྜལ། དེ་ནས་གསོལ་འདེབས། ནམ་ལངས་ནས་ཉེ་གནས་ཀྱིས་སྤྱན་སྔའི་མཆོད་པ་བརྗེ། གསུང་བཅད་འབྱེད་པར་ཞུ། སྐུ་ཁམས་ཨེ་བདེ་ཞུས་ནས་བཞེས་པ་འདྲེན་པ་ཞུ། དེའི་རིང་ལ་གྲྭ་པ་འགྲོ་འདུག་བྱེད་པ་དང་དོན་ཡོད་པ་ཀུན་ཉེ་གནས་ཀྱིས་ཞུ། གཞན་སུ་དང་ཡང་མི་མཇལ། བཞེས་པ་ཚར་ནས་དྲོ་མ་རན་བར་དུ་གསུང་གཅོད། དྲོ་རན་ནས་ཉེ་གནས་ཀྱིས་མཆོད་པ་བརྗེ། གསུང་བཅད་འབྱེད་པར་ཞུ། སྐུ་ཁམས་ཨེ་བདེ་ཞུ། ཆབ་ཚ་སྐོལ་བ་ཞུ། འགྲོན་པོ་མི་ཆེན་འབོད་དགོས་ཡོད་ན་ཞུས་ནས་འབོད། གྲོ་ཟིན་ནས་ཆོས་ཁྲི་ལ་འབྱོན། མཇལ་འོས་རྣམས་མཇལ། ཁྲིད་མཛད། དེ་ནས་ཕྱེད་ཇ་སྐོལ་རན་པ་དང༌། ཆབ་ཚ་སྐོལ་བ་ཞུ། རིན་པོ་ཆེ་པ་གཟིམས་སྤྱིལ་དུ་བྱོན་ནས་གསུང་གཅོད། ཆབ་ཚ་གསོལ་རན་