[A:727]པ་དང་གསུང་བཅད་འབྱེད། ཆབ་ཚ་གསོལ་བ་ཞུ། ཆབ་ཚ་འདྲེན་འོས་ཡོད་ན་འབོད། ཕྱིས་ཚོགས་ཆེན་པོར་སོང་ནས་དྲོ་རྟིང་ལ་གསུང་བཅད་མཛད་ནས་ཆོས་ཁྲི་ལ་འབྱོན། ཕྱེད་ཇ་མི་གསོལ། དེ་ནས་གཏོར་མ་མཛད་ནས་གསུང་གཅོད། ཉེ་གནས་ཀྱི་གཏོར་ཇ་སྐོལ་བ་ཞུ། མགྲོན་པོ་ཡོད་ན་འབོད། མར་མེ་འབུལ། མཆོད་པ་བརྗེ། དེ་ནས་ཆབ་ཚ་འདྲེན། སྐུ་ཁམས་བཟང་ན་ཆོས་དང་བཀའ་སྩལ་མང་དུ་གསུང༌། དེ་ནས་གཟིམས་ཁར་ཕྱི་ནང་ཅི་བཞེས་ཞུ། གསུང་གཅོད་པ་རྣམས་ཞག་རེ་བཞིན་གྱི་མཛད་པ་ཡིན། སྐུ་ཁམས་མ་བདེ་ན་གསུང་ཆོས་མི་འོང༌། བཟང་ན་ཡར་ངོ་ལ་འོང༌། བཅུ་དྲུག་ནས་གནམ་སྟོང་བར་དུ་སྔར་ཞུས་མེད་ན་སུ་དང་ཡང་མི་མཇལ། སྤྱིར་རབ་ཏུ་བྱུང་ནས་ཤ་ཆང་ཞལ་དུ་འཁྱེར་མ་མྱོང༌། དུད་ནག་པའི་སྦྲ་དང་ཁང་པར་འབྱོན་མ་མྱོང༌། སྐུ་རགས་བཤིག་མ་མྱོང༌། ཕག་མོ་གྲུར་བཞུགས་རིང་ལ་ཡང་གཡས་གཡོན་གཞན་དུ་འབྱོན་མ་མྱོང༌། ཕག་མོ་གྲུ་པས་ཆོས་ཚིག་བཞི་པ་ཅི་གསུང་ཡང་རྩ་ན་མི་བཞུགས་པ་མེད། ཤ་དང་བུད་མེད་གཟིམས་ཁང་ནང་དུ་འགྲིམ་མ་མྱོང༌། ཡང་དགོན་དང་ནག་ཚང་གཉིས་ནས་ཤ་མགྲོན་ལ་འདྲེན་མ་མྱོང༌། གླིང་གསེབ་ཏུ་ཆང་འོང་མ་མྱོང༌། བུད་མེད་གླིང་གསེབ་ཏུ་ཞག་གསུམ་ལས་མི་འཇོག ནག་ཚང་དུ་ཆབ་ཚ་སྐོལ་བ། གཎྚི་བརྡུང་བ། ཆབ་སྐད་གཏོང་བ། དུང་གཏོང་བ། དུང་ལུང་འགྱེད་པ། གྲྭ་པ་འགྲོ་འདུག་བྱེད་པ་ལ་སོགས་ཅི་བྱེད་ཐམས་ཅད་ཞུ་དགོས། ངོ་མཚར་ཅན་གྱི་མཐོང་