[A:721]de'i nang nas khyod rang tsam 'di 'ong gsung / de'i dus su lung pa 'di na nga rang las drag pa e yod dgongs pa byung / nye gnas sbas sgom la sbas sgom sar pa 'di bya yul ba 'dra ba ang gsung / de nas zla ba gsum na nga ni klad pa lug kyang gsol ba btab pas chog snyam pa'i dgongs pa byung / gser zho gang gis maNDal byas nas phul ba zhu byas dngos grub lta bu cig byed pa yin/ gdams ngag kyang mi zhu byas pas/ lan cig bzhud nas gser bzhes/ maNDal phyir gnang nas de dad pas khams gso nus pa bya ba yin/ maNDal phul la gsol ba thob dang da dung 'char rgyu mang po yod pa yin gsung / de nas lan cig na chos byung tshad zung dang kho bo la brgyud pa 'ded mi dgos pa yin/ khyod la dgos pa'i dus shig 'ong / bod na zhu byas dngos grub las zhen pa chung ba med de lung yi pa cig yod pa yin/ rgya gar na bi rU pa zhen pa chung ste brgyad stong pa cig yod pa yin gsung / yang bla ma bsten pa gdams ngag yin/ rang gis nyams su myong ba man ngag yin gsung bas/ de phyin chad tshig bzhi pa yan chad gsung thams cad la yi ger ma bris pa med gsung / nyin cig gdams ngag gcig gsungs pa brjed dogs nas rtsig ngos la bris nas phyir byon/ de nas nang du byon nas de gzigs pas de phyin chad brjed dogs pa ma byung phag mo grur byon nas lo gsum tsam lon pa'i dus su khyod da lta song yang mkhan slob kyis chos zhu ba 'ong ba yin gsung / kho bo'i chos kyi