[A:1]
mchod par brjod pa/
bla ma dang mgon po 'jam dpal dbyangs la phyag 'tshal lo//
'gro ba'i don du dka' ba dpag med pas//
byang chub mchog rab 'di ni mngon mkhyen nas//
rigs rus brjod bya'i yul las rab 'das kyang //
rigs rus cho 'brang mchog gyur zas gtsang sras//
ngo mtshar rmad byung mchog gi sprul sku des//
shin tu gdul dka'i sems can smin mdzad pa//
shAkya'i rgyal po thub dbang de dag la//
snying khong rus pa'i gting nas skyabs su mchi//
thog mar 'dzam gling 'di na mchog gyur pa//
zas bzhi ming drug tha dad rnam gsum gyis//
kun nas 'byor pa skyon med mi yi bdag/
mang pos bkur ba'i zhabs la phyag 'tshal lo//
bsod nams mthu chen khams las legs grub pa'i//
'dod 'byung rin chen bdun gyis legs 'byor te//