[A:98]
mchod rten gyi nang gi steng du dpal ldan rgyu skar gyi dkyil 'khor spros te sprul pa'i chos rgyal zla ba bzang po sogs skal ldan gyi gdul bya rnams smin par mdzad/ de'i phyi lo chos rgyal zla ba bzang pos dus 'khor rtsa ba'i rgyud bsdus/ gsan yig phal cher la chos rgyal bdun zhes pa gsal yang / ngag dbang blo bzang rgya mtsho'i gsan yig spar mar chos rgyal drug ces gsal 'dug pas/ de bzhin 'dir bkod pa yin/ byang phyogs shaM bha lar chos rgyal drug dang rigs ldan bcu dgu 'das shing / rgyal khams pa tA ra na thas mdzad pa'i dus 'khor chos 'byung gi rigs ldan gong rim ltar na stobs chen yin 'dra/ gzhan la gong rim mi 'dra ba sna tshogs yod tshod 'dug /rigs ldan stobs po che chos kyi khrir 'khod pa'i lo sum cu so bdun du sleb pa/ dur ma ti zhes pa lcags mo bya yi lo snron gyi zla ba'i mar ngo'i nyer bdun la gza' phur bu skar ma bra nye/ 'phrod 'phel/ sbyor ba las bzang / rten 'brel skye ba/ nyi ma 'brug /byed pa bag rnams 'dzom pa'i dus su/ badzra dha ra swa mi A nanta bi dza ya/ shrI bha dra chen pos phyag btab pa'i sa'i cha/ gong dkar rdo rje gdan zhes yongs su grags pa'i dge 'dun 'du ba'i chos grwa chen po de nyid kyi nang du/
ston pas chu lug lo nag pa'i nya la dpal ldan 'bras spungs kyi mchod rten chen po'i nang du/ dpal dus kyi 'khor lo'i rgyud stong phrag bcu gnyis pa gsungs nas/ lo nyis stong dang lnga brgya dang nyer drug pa/ chos rgyal bdun dang rigs ldan nyi shu pa stobs po che seng khri la bzhugs te chos bstan nas lo so gsum pa/ gro zhun gyi nya ba'i tshes lnga/ gza' lhag pa skar ma mig bzhi/ sbyor ba zhi ba/ byed pa byis pa 'dzom pa'i dus su/ thugs gsung sku'i dkyil 'khor la lha drug brgya dang zhe gnyis/ yab yum gcig tu bgrangs na lha lnga brgya dang don gcig /'byung po bye ba phrag phyed dang bzhi sogs bzhugs pa'i rdul tshon gyi dkyil 'khor chen por/ bla ma dam pa bsod nams rgyal mtshan gyi yig cha 'ba' zhig nas dbang gong ma'i 'chad thabs chos rje phrin las rnam rgyal gyis mdzad pa'i spyod ldan spyan gzigs bcas kyi steng nas
thun mong byis pa 'jug pa'i dbang bdun/ gong ma kun rdzob drang