[A:404]
gsum rnam par dag pa khyab bdag byams pa phun tshogs chos 'phel/ des bdag wA gindra la'o/ /
skabs su bab pa'i yid ches ngo mtshar ba'i 'phros don/ rang gzhan gyi bzang rtog spel ba cung zad bri'o/ /de yang / rdzong pa dang / ngor pa spyi mthun zhing / skabs 'dir rje btsun mu srad pa'i gsung las 'di skad du chos kyi rje bla ma dam pa bsod nams rgyal mtshan gyis/ bla ma dpal ldan seng ge'i thugs dgongs rdzogs phyir du mkhan po shes rab rdo rje dang / dbus pa rin rgyal gnyis mnga' ris dbus rtsang khams gsum gyi dgon gnas kun tu mngags nas/ rje btsun yab sras gsum gyi bka' 'bum/ lung yod pa kun las lung blangs te/ glegs bam dang dpe lung phyogs gcig tu bsgrigs so/ /zhes grags pas/ rje btsun bla ma dam pa bsod nams rgyal mtshan 'di nyid/ lugs srol 'di la bka' bsdu ba po yin no/ /de dag du ma 'dus pa phyis su/ theg chen chos kyi rgyal pos kyang slar rnyed pa rnams kha skong bar mdzad pas shin tu bka' drin che ba yin no/ /zhes kho bo'i bla ma rnams gsung ngo / /chos rje khu dbon gyi bka' 'bum ni/ zhang dkon dpal nas yongs su rdzogs par brgyud de 'ongs pas/ glegs bam dang dpe lung snga mo nyid nas phyogs gcig tu bsgrigs te gnas so/ /de la 'di skad ces bya ste/ ye daM gzhon tshul gsum gsum las sa/ A daM mgon tshul dang sras rtse/ bar ma'i dang po rnam pa lnga/ bsod seng dpal rgyal gzhon bzang rje zhes gsungs so/ /de dag gi don ni/ mkhan chen sher rdor bas rje sa chen gyi bka' 'bum bla ma gsum las lung blangs te/ de'ang bla ma ye shes dpal/ bla ma dam pa| byang chen pa gzhon tshul te gsum mo/ /rje rtse mo'i bka' 'bum bla ma drug las lung blangs te/ bla ma a mo gha/ bla ma dam pa/ mkhan chen gzhon nu mgon/ bla ma