[A:319]bzhin sgrub byed dag//
dag pa'i chos la chos kyi rjes 'brang blo//
blo gsal de kun kun mkhyen chos rje'i sras//
1.2.5.1.2
chos gang dang gang gsungs pa'i rnam grangs/
gnyis pa ni/
rgya mtshor mi 'du chu bo de gang yin//
de las mi 'ba' chu klung de gang zhig//
khyod blos ma bsdus dam pa'i chos de ci//
khyod kyis ma gsungs chos tshul gang de su//
mkhas par mkhyen nas gzhan dag mkhas bya'i phyir//
rang gis mkhyen de rang dbang mi mdzad par//
blo gsal yongs kyi blo mtsho spel brtson pa'i//
bshad mkhas khyod kyis bshad la phyag 'tshal lo//
'di la gnyis te/ 1.2.5.1.2.1
thun mong ba mtshan nyid theg pa dang 'brel ba'i chos gsungs pa'i tshul dang/ 1.2.5.1.2.2
thun mong ma yin pa sngags kyi theg pa'i chos gsungs pa'i tshul lo//
1.2.5.1.2.1
thun mong ba mtshan nyid theg pa dang 'brel ba'i chos gsungs pa'i tshul/
dang po la 1.2.5.1.2.1.1
chos kyi rnam grangs gang gsungs pa dang/ 1.2.5.1.2.1.2
gnas gang du yon gyi bdag po sus mdzad pa'o//
1.2.5.1.2.1.1
chos kyi rnam grangs gang gsungs pa/
dang po ni/ yul dbus kyi chos sde grags che ba rnams su grwas skor mdzad pa'i po ti'i grangs ni bcu kho na yin la/ rnam bshad mdzad pa'i po ti'i ni bzhi bcu tham pa yod do//
de dag gi steng du rnam bshad mi mdzad pa'i gzhung lugs 'dul ba mdo rtsa ba dang/ 'od ldan dang/ tshig le'ur byas pa lnga bcu pa dang/ mngon pa kun las btus dang/ byang chub sems dpa'i sa dang/ rnam par gtan la dbab pa bsdu ba dang/ phung po lnga'i rab tu byed pa dang/ stong phrag nyi shu lnga pa'i mdo dang/ 'phags pa brgyad stong pa dang/ de dag gi 'grel chen gnyis dang/ byang chub sems dpa'i spyod pa la 'jug pa dang/ bslab pa kun las btus pa dang/ dbu ma rin po che'i phreng ba dang/ bzhi brgya pa dang/ dbu ma snang ba dang/ tshad chen dang/ sgra'i bstan bcos ka lA pa dang/ snyan ngags kyi bstan bcos me long dang/