[A:328]cung zad cung zad mdzad cing/ gzhan dag la zung za ba'i ched du/ ku re dang bzhad gad 'ga' zhig mdzad pa'i skabs su/ de dang mi mthun pa'i mtshan lam cung zhig gzigs pas/ slob dpon de'i zhabs la lhag par dad cing/ de'i gsung rab rnams la dgongs pa 'grel ba'i bstan bcos lhag par yang mdzad do//
de dus kyi mtshan lam du byung ba ni/ 'di ltar/
dpal ldan zla ba grags pa ni//
stobs ldan rdo yi seng ge zhon//
du ru kha'i dmag bzlog nas//
zhi bsang med pa ngo mtshar che//
don dang tshig la shin tu mkhas//
zhes zer mkhan zhig byung bar snang ngo//
zhes yid ches pa'i slob dpon gyi gsung las thos so//
yang slob dpon seng ge bzang po la dgag pa cung zad mdzad pa na/ mtshan lam du/ cig na re/ slob dpon seng ge bzang po ni yum 'chad pa la phul du phyin pa yin no// slob dpon chos kyi bshes gnyen gyis kyang 'di'i 'grel pa la 'grel bshad byas so// zhes zer ba cig byung/ de nas bzung ste slob dpon de la dgag pa mi 'dzad cing/ slob dpon chos bshes la thugs rtsis su mdzad do//
yang tshad mdo'i rnam bshad mdzad pa na/ bcom ldan rigs pa'i ral gris legs so byin pa'i mtshan lam dang/ rtsa ba shes rab kyi TI ka mdzad pa na slob dpon phyogs kyi glang po yis legs so byin pa'i mtshan lam dang/ mngon par rtogs pa'i rgyal yum drug dang sbyar ba'i mdo sbyor mdzad pa na/ sku tshe phyi ma dga' ldan du gshegs pa'i mtshan lam byung zhing/ rje nyid kyi thugs brtse ba'i slob ma rnams la rang re dpon slob dga' ldan du 'gro/ mkhan chen pa yang dga' ldan na bzhugs shes gsung bar yid ches pa'i nye gnas kyi gsung las thos pa dang/ gtsang gi sge ba gdong du phar phyin