[A:333]de dag la 'di skad ces/
sa rngog gnyis kyi bshad pa yi//
srol chen mgrin pa mthor bteg nas//
gtsang phyogs 'o ma'i rgya mtsho der//
mkhas pa'i grags dkar khyod kyis thob//
dbus gtsang yul du chos kyi khri//
brgya dang rtsa brgyad la 'khod nas//
mtshan nyid theg pa'i gzhung chen gang//
bcu phrag drug po khyod kyis bshad//
de dag gis ni phyi mtshan nyid theg pa'i chos ji ltar gsungs pa'i tshul bshad nas/
1.2.5.1.2.2.
thun mong ma yin pa sngags kyi theg pa'i chos gsungs pa'i tshul/
gnyis pa nang gsang sngags theg pa'i chos ji ltar gsungs pa'i tshul ni/
khyod kyi rnam dpyod chu 'dzin gyis//
rab bzung gsang sngags bdud rtsi'i rgyun//
skal ldan slob ma'i mtsho chen du//
legs par 'bebs la phyag 'tshal lo//
de yang 'di ltar/ 'phan yul nyan po'i rin po che dang/ gnyal te ra'i mkhan po gnyis kyis gtso byas pa'i slob ma so so la/ dpal gsang ba 'dus pa'i dbang bskur lan gnyis mdzad/ gsang ba 'dus pa'i rgyud 'grel chen sgron gsal dang bcas pa la/ chag lo'i TI ka dang 'thun pa'i bshad pa tshar gcig dang/ rje nyid kyis mdzad pa'i TI ka'i steng nas bshad pa tshar gnyis mdzad/ 'phan yul nyan por gsung ngag rin po che lam 'bras bu dang bcas pa gsungs shing/ rgyu dus dang/ lam dus kyi dbang rdzogs par mdzad/ nyan po rin po che pas thog drangs pa'i slob ma mang po la rtsa ba'i rgyud brtag pa gnyis pa/ rje bla ma dam pas mdzad pa'i rnam bshad nyi ma'i 'od zer gyi steng nas bshad pa yongs su rdzogs par mdzad cing/ skabs gzhan du rgyud gsum ga'i bshad pa yongs su rdzogs pa tshar gcig mdzad/ gro sa'i mkhan po la 'chi bdag 'joms pa'i dbang dang/ rje nyid kyis mdzad pa'i ngan song sbyong rgyud kyi mngon par rtogs pa bdag 'jug