[A:377]lo bcu gsum gyi bar du rje btsun dam pa de nyid kyi zhabs rdul spyi bor blangs pas/ gzhan gyis 'phrog par mi nus pa'i dad pa rgya mtsho'i dbus na gnas pa/ yul dbus kyi dbu ru byang phyogs kyi rgyud du byung ba'i thos pa 'dzin pa/ dpal shAkya mchog ldan dri med legs pa'i blos/ rgyal ba ces pa'i shing pho rta'i lo/ smin drug gi nya gang ba'i yar ngo'i tshes bcu la mnga' ris smad kyi sa'i thig le/ thub bstan dar rgyas gling gi gtsug lag khang chen por legs par grub pa'i yi ge pa ni/ rkong ston mgon po rgyal mtshan no//
'di yang sa skyong bkra shis mgon//
mched dang bcas pa'i 'byor pa yi//
yongs 'du'i dpag bsam shing gi ni//
grib bsil yid 'ongs la 'khod nas//
'chad rtsod rtsom pa'i zla dkar gyi//
rdo len khri la 'dug bzhin du//
rnam thar dad pa'i rol mtsho yi//
bka' bsdu gsum pa 'di byas so//
mangga laM/ bha wantu/ shubhaM// //