R991: paNDi ta chen po shAkya mchog ldan gyi rnam par thar pa zhib mo rnam par 'byed pa/ {bod yig glog rdul dpe cha/}

  • Pagination (Witness A): 233
[A:233]klog pa po de khyod kyis bsngags pa'i yul// nges 'byung yid can ngur smrig gos can dag/ ri dgas dman pa ji bzhin pas mthar gnas// 'tsho ba dag cing ci yang med 'chang ba'i// spong ba pa des khyod kyi zhabs pad bsten// mdo dang tshig don zung 'brel 'chad pa'i ngag/ khungs ldan brgyud pa'i srol brgya 'byed mkhas pa'i// chos 'khor so so'i grangs nges ma 'dres par// legs rtogs gang de khyod kyi bstan 'dzin yin// de ltar yang yang rjes las gang brtsams nas// mang du brjod la dge tshogs ci mchis pas// mtha' yas 'gro ba'i las sgrib kun sbyangs nas// chos kyi rgyal po khyod dang mtshungs gyur cig// ces paNDi ta chen po shAkya mchog ldan dri med legs pa'i blo gros kyi rnam par thar pa zhib mo rnam par 'byed palas/ yongs su rdzogs pa'i skabs las bsgrags pa'i rab tu byed pa nyer bdun pa'o// // Colophon de ltar paN chen rin po che'i sku che ba'i yon tan zhib mor bris pa'i rab byed nyer bdun pa 'di yang ma byon pa'i sangs rgyas gsum pa kha che paN chen shAkya shrI'i gdan seng ge'i khri la mngon par rab tu mtho ba/ skye med rang gsal chos dbyings gdod ma'i mgon po mngon sum du gzigs pa'i mkhan chen rin po che'i zhal snga nas kyis bkas bskul ba'i dbang las/ snyoms las kyi bgyi ba cung zhig bsal te/ gang gi bka' mi 'gog pa'i slad du/ grol mchog gis yi ger bkod pa 'dis/ bdag sogs sems can thams cad rgyal ba'i bstan pa'i gzhung lam la rjes su 'jug pa'i skal ba mchog dang ldan par gyur cig/ manggalaM bha wantu// shu bhaM//