[A:54]btsun bzang gsum gyi yon tan spyir mnga' ba las/ de'i nang nas kyang mkhas pa'i yon tan nyid gtso che ba yin te/ theg pa spyi dang gsang sngags rgyud sde bzhi po'i chos lugs rang gi brgyud pa gong ma las gang byon pa de nyid la lhad zhugs pa dang ma zhugs pa'i dbye badbyed so sor mkhyen nas lhad ma zhugs pa rnams la nyams su len pa dang/ phyag len mdzad cing/ spyir rang lugs la rgol ba'i phyis byung gi chos rnams dang/ rang lugs 'dres can rnams kyang 'dor ba la thugs kyi dpyod pa shin tu zhib cing gzhan phyogs sun 'byin pa'i lung dang rigs pa'i spobs pa mi zad pa dang ldan pa'i phyir dang/ mang du gsan pa rgya mtsho'i dbus na bzhugs pa'i phyir zhes gsung ngo//
yang bshes gnyen dam pa bzad pa blo gros rgya mtsho dang/ dmar ston rya mtsho rin chen ni/ mang du gsan nas dben pa la dgyes pa/ nges 'byung dang skyo shas kyi lam nas mtha' yas pa'i sems can gyi sdug bsngal mi bzod par mchi ma 'khrug snyigs dus kyi nyan bshad kyi tshul snying po med par gzigs shing bstan pa la phan pa'i rnam dpyod can re re tsam las ma byung yang zab rgyas kyi sde snod 'chad pa la 'grus pa mi lhod pa'i bshad nyan de lta bu la yid rab tu song ngo//
rang re yang de lta bur smon pa yin zhes sngon gyi dus su yang yang gsung/ de dag la 'di skad ces/
mtho dang gtsang ma'i rigs 'khrungs te//
bslab sbyangs yon tan mthar phyin pa//
de tshe lung dang rtogs pa yis//
sku gsung thugs kyi bang mdzod brnyes//
yon tan kun gyi rtsa ba ni//
dge ba'i bshes su thag bcad nas//
mnyam par 'jog las mi g.yel zhing//
bstan la bgyi ba rgyun mi 'chad//
chos kyi sbyin pa'i zol gyis ni//
rnyed pa dang ni bkur sti dang//
'khor bsdu pa yi bsam pa dang//
gzhan la phrag dog bsam mi mnga'//
bslab pa gsum gyis nyer phyug cing//
lung dang rigs pa mang po can//
rtag tu gzhan la phan dgongs pa'i//
bshes gnyen dam pa 'di yin no//
3
gsum pagnyis pa bstan pa la bgyi ba ji ltar mdzad pa'i tshul la/
3.1
nyan bshad ji ltar mdzad pa'i tshul/ 3.2
de'i 'dzin gyi slob ma ji ltar byung ba/ 3.3
rjes kyi dgongs pa ji ltar gang ba rnams so//
3.1
dang po la/ 3.1.1
mtshan nyid theg pa'i chos ji ltar gsungs tshul dang/ 3.1.2
sngags kyi theg pa'i chos mdo tsam gsungs tshul lo//
3.1.1
dang po ni/ spyir rje btsun dam pa 'dis rang lo nyer brgyad pa nas bdun cu rtsa gsum pa'i bar ka chen bzhi po gtso bor gzhag pa'i sde snod kyi chos rnams gzhung tshugs par gsungs/ de nas kyang brgyad cu nam bzhes kyi bar 'dul ba mdo rtsa ba dang/ mdo sde'i rgyan dang/ spyod 'jug tshad ma rnam rnam 'grel rnams/ chos thog gcig gnyis tsam sbrel nas gsungs shing/ gzhan yang nyams len gyi chos rnams gsungs so//
de nas brgyad cu rtsa bdun pa'i bar du 'gro ba la phan pa'i dbang dang khrid kyi rim pa rnams gtso bor gsungs so//
de yang cung zad phye ste bshad na/ rje nyid kyi rang lo nyer brgyad pa nas sum cu pa'i bar/ la stod bzang ldan gyi chos grwar/ rnam 'grel dang rigs gter/ mngon pa gong ma gsum la gnyan bshad mdzad/ rnam 'grel/ rgyud bla ma'i go ?ig thugs yul du bsgrigs nas bsnyel mi srid