[A:59]chos 'brel re tsam dang lung thob re tsam byas pa ma yin gyi/ gzhung lugs phyogs re la bslab sbyangs shes rgyud la shin tu gshin par byas pa dag yin pas/ bstan pa'i rgyun la phan pa'i bshes gnyen grangs med pa dag byon pa ni ngo mtshar bsam gyis mi khyab bo//
'on kyang phyi rabs pa spro ba bskyed pa'i phyir/
3.2.1
bstan 'dzin gyi bshes gnyen dang 3.2.2
mi chen gyi slob ma'i grangs mdo tsam brjod pa ni/
3.2.1
chos lung tshogs pa'i mkhan po bshes gnyen bzang po dang/ nyi ma rgyal mtshan pa ni drung nyid du sde snod kyi bslab sbyangs mthar phyin par mdzad cing/ sne'u gdong gong ma dang/ 'bri khung rin po che'i bla mar gyur nas/ khri bskor bcu gsum gyi bdag po kun gyisgyi phyag bya ba'i gnas su gyur pa dang/ yang tshogs pa de'i mkhan rabs lnga tsam gyis chos 'brel zhus nas zhabs rdul spyi bor blangs pa dang/ gsang phu ne'u thog tu lo chen gyi gdan sar phebs pa'i bshes gnyen grags pa rgyal mtshan dang/ zur chen du byon pa'i nyan po ba chos kyi rnam rgyal dang/ khru phu ba sangs rgyas bzang po rnams ni/ drung nyid du bslab sbyangs mthar phyin zhing mkhas pa'i grags pa thob nas/ grwa sa de nyid du nyan bshad yun ring du mdzad do//
yang byams chen rab 'byams par grags pa chos kyi rje sangs rgyas 'phel dang/ ka bcu pa nag por grags pa dpal gzhon dang/ rong ston ye shes rgyal mtshan rnams ni/ rje nyid zur chos pa mdzad pa'i dus su phar tshad kyi bslab sbyangs rags pa mdzad pa'i slob ma yin zhing/ bshes gnyen phyi ma gnyis po 'dis kyang nyan bshad rgyun ring du mdzad do//
mnga' ris nas gzhi sde mkhyen rabs par grags pa dang/ rwa dbon chos rjer grags pa gnyis ni/ drung nyid du bslab sbyangs mthar phyin par mdzad cing/ bzhi sde ba ni mnga' ris stod kyi dge 'dun gyi sde chen po'i bdag por gyur pa dang/ rwa dbon ni/ mdo sngags dang rigs pa'i gnas kyi mkhyen rab rgya mtsho'i pha rol du son nas/ mnga' ris