[A:60]smad kyi bstan pa'i bdag por gyur pa'o//
gzhan yang/ mnga' ris dang dbus gtsang mdo khams na/ slob ma la chos 'chad pa shin tu mang mod kyang mdo tsam ste/ rang res kyang rang lo bcu gcig pa nas bcu drug pa'i bar dang/ yang rang lo nyi shu pa nas nyer gsum pa'i bar der rje nyid kyi dgongs pa la mnga' ba'i gsung rab gong du smos pa de dag gnyan zhing bzung nas/ dus re shig gi bar du glo ba la byang bar byas so//
glang ri thang gi spyan snga blo gros rgyal mtshan dpal bzang pos ni/ 'dul ba mdo rtsa ba tshar gcig/ tshe dpag med lha dgu'i dbang dang/ man ngag gi gnad 'ga' zhig gsan zhing/ rgyal lha khang/ glang ri thang/ na lentra gsum gyi gdan sa rim par mdzad nas/ bstan pa dang sems can la phan thogs par mdzad do//
rgyal rong gi lcags lha dbon po ngag dbang grags pas ni/ drung nyid du bslab sbyangs mthar phyin/ yon tan mkhas par mkhyen/ rnam 'grel gyi gsung bgros zin bris su btab pa'o//
byams chen chos rje sku skye rin po che dang/ rting khems chos rje sku mched gsum gyis chos 'brel zhus nas dad pa thob par mdzad do//
3.2.2
gnyis pa mi chen gyi slob ma ni/ dgung lo re bdun pa la/ sa skyong mtsho skyes pa dang/ hor shakya rgyal mtshan la 'chi bdag 'joms pa'i dbang mdzad pa nas bzung ste zab chos rim par gnang/ dgung lo don lnga pa la/ sa skyong chen po don grub rdo rjes/ tshe dbang tshe sgrub gsan pa nas bzung ste lo bcu gnyis kyi bar du gsung chos rim par gnang/ dgung lo brgyad cu pa la/ sa skyong khri thog pa dang/ sgar chen pa sku mched kyi dbang dang gdams pa mang du gsan/ de nas lo brgyad kyi bar du gsung chos rim par gnang ba yin no//
rgya ma khri dpon nam mkha' rgyal mtshan pas ni/ rong chen pa nas brgyud pa'i tshe sgrub gsan//
3.3
gsum pa mthar phyin pa'i mdzad pa ni/ dgung lo gya gcig pa tsam nas gnas nges med kun du bskyod cing