[A:46]mi mdzad do//
1.2.2
gnyis pa la/ 1.2.2.1
mtshan nyid theg pa'i chos lugs ji ltar gsan pa dang/ 1.2.2.2
gsang sngags theg pa'i chos lugs ji ltar gsan pa dang/ 1.2.2.3
rig pa'i gnas gzhan ji ltar gsan pa'o//
1.2.2.1
dang po ni/ chos gra bzang ldan gyi dge ba'i bshes gnyen rin chen dpal zhes pa/ rin po che g.yag pa'i slob mar gyur pa de'i drung du tshad ma rnam 'grel/ phar phyin/ rigs gter/ mngon pa kun las btus/ rgyud bla ma rnams la gsan sbyong mdzad cing/ rang lo bcu gcig pa la/ gdan sa chen por rnam 'grel dang/ rigs gter gyi gzhung skyur dang/ rang lo bco lnga pa la gzhung lnga po de'i grwa bskor mdzad/ ka lnga pa zhes mtshan du grags/ rang lo bco brgyad pa la/ rje rgyal rong pa chen po bzang ldan du chos bar la phebs pa dang mjal/ zhabs phyir 'brangs/ yul dbus kyi bde ba can dang/ gsang phu ne'u thog dang/ de dag gi yang dben rnams su gzhung chen du ma la bslab sbyangs mthar phyin par mdzad/ khyad par du/ rje de'i zur chos pa bzad pa blo gros rgya mtsho'i drung du/ byams pa'i chos lnga/ theg bsdus/ mngon pa kun las btus rnams kyi gsan sbyong mthil phyin par mdzad/ skyor mo lung pa bsod nams tshul khrims kyi drung du/ 'dul mdzod gnyis po tshar gsum re dang/ dro sa ba dmar ston rgya mtsho rin chen gyi drung du/ 'dul mdzod gnyis po'i bshad pa ches shin tu rgyas pa tshar gsum gsan/ rang lo nyer lnga pa la/ gsang phu ne'u thog bde ba can/ dpal gyi rtses thang rnams su ka chen bzhi/ byams chos phyi ma bzhi/ mngon pa kun las btus dang/ theg bsdus/ dbu ma rtsa 'jug/ bshes spring ste bcu gsum la grwa bskor mdzad/ dge ba'i bshes gnyen rnam pa bzhi po des ji skad gsungs pa thams cad thugs la ma bsnyel bar yod pa'i grags pa chen po thob//
1.2.2.2
gnyis pa ni/
de nas rang lo nyer drug pa la/ gdan sa chen por theg chen chos kyi rgyal po'i drung du/ lam