[A:47]'bras cha lag yongs su rdzogs pa zla ba bdun gyis mthar phyin pa gsan zhing/ nyams len gtso bor mdzad/
de'i phyi lo de rta zur rdzong zhes pa'i gnas su/ chos rje kun dga' rgyal mtshan pa'i drung du/ lam 'bras gur brtag/ bde mchog gi chos skor sogs mang po zla ba bcu gcig la rdzogs par mdzad/ dus der yang nyams len gtso bor mdzad do//
de nas rang lo so gcig pa tsam gyi dus su/ mtshal min pa bsod nams bzang po'i drung du/ rnal 'byor yan lag drug pa zla ba bdun gyis mthar phyin pa mdzad cing/ dus der yang nyams len gtso che/ dus 'khor rgyud 'grel gyi bshad lung gsan/
de rjes rang lo so bdun pa nas lnga bcu pa'i bar der/ glang thang pa kun dga' rgyal mtshan gyi drung du/ theg chen chos rje nas brgyud pa'i dbang bka' dang lung bka' mang po gsan/ dus phyis rang lo lnga bcu rtsa gsum bzhes pa'i dus su/ ngor e wam chos ldan du byon/ rje rdo rje 'chang nyid kyi drung du/ lam 'bras tshar gsum/ rgyud sde bzhi dang 'brel ba'i dbang bka' lnga bcu tsam dang/ sgrub thabs brgya rtsa sogs rjes gnang gi tshogs brgya lnga bcu tsam gsan no//
gsang 'dus/ kyai'i rdor/ bde mchog/ gshin rje gshedbshad skor/ ngan song sbyong rgyud rnams dang 'brel pa'i bskyed rdzogs kyi bshad pa dgag sgrub kyi lam nas drangs pa rab tu mang po gsan zhing/ lugs de la shin tu thugs ches par gtso bor mdzad do//
1.2.2.3
gsum pa ni/ nyid kyis rang lo zhe lnga pa tsam gyi dus su/ dpal rtses thang gi chos grwar lo tsa ba sang gha shrI'i drung du sgra ka la pa/ snyan ngag me long/ sdeb sbyor gyi bstan bcos bsdus pa zhig dang/ rgya gar gyi yig rigs rnams la bslab sbyangs mdzad do//
1.3?
2
gnyis pa la gnyis te/
2.1
shes rab mkhyen pa'i yon tan ji ltar brnyes pa dang/ 2.2
thabs brtse ba'i yon tan ji ltar brnyes pa'o//
2.1
dang po la gnyis te/ 2.1.1
thos bsam gyi yon tan ji ltar