[A:48]brnyes pa dang/
2.1.2
bsgom pas nyams myong gi yon tan ji ltar brnyes pa'o//
2.1.1
dang po la gnyis te/ 2.1.1.1
lung thos pa'i yon tan dang/ 2.1.1.2
bsam byung gis sgro 'dogs chod pa'i yon tan no//
2.1.1.1
dang po ni/ rje 'di nyid kyi gzhung chen bcu gsum la thog mar bslab sbyang dang grwa skor gyi rnam gzhag mdzad pa de nas bzung ste/ phyis nyan bshad kyi rnam gzhag rdzogs par mdzad kyi bar du gzhung chen de dag gi tshig don/ 'bru gnyer tshul/ mtha' chod kyi rigs pa dang bcas pa thugs la bsnyel ba mi mnga' bar bzhugs shing/ nyan bshad mdzad pa phyag dpe'i gzigs rtog la ltos pa ma yin no//
de'i tshe rje 'di la mi brjed pa'i gzungs mnga' ba yin no zhes slob ma dag la grags so//
de yang 'di ltar/ mngon par rtogs pa'i rgyan rtsa 'grel// dbu ma rtsa 'jug rnams la ni/ gzhung bsnyel ba ye mi mnga' ba'i steng du/ rnam bshad kyi 'bru gnyer tshul/ mtha' chod kyi rigs pa dang bcas pa/ rje rgyal rong pa chen po'i gsung ji lta ba de nyid thugs la bzhugs shing/ de las gzhan du cung zad kyang spro bar mi mdzad do//
de yang rje gong ma de nyid rang lo lnga bcu rtsa gcig pa tsam nas de nyid kyi gsung nas gsan zhing/ de nyid ma rnyel ba yin pas/ rje de'i gsung yi ger 'khod pa rnams dang 'dra min cung zad re 'byung ngo//
yang phar phyin gyi bshad pa'i yams dang/ stong phrag nyi shu lnga pa'i mdo sbyor ba rnams ni rin po che g.yag pa'i bka' 'grel dang/ mdo sbyor chen mo ji lta ba bzhin thugs la rtag par bzhugs so//
mdo sde'i rgyan/ rgyud bla ma'i bstan bcos/ mngon pa kun las btus rnams ni/ gzhung bsnyel ba ye med cing/ 'bru gnyer tshul/ mtha' chod dang bcas pa bzad pa blo gros rgya mtsho zhes grags pa de'i gsung ji lta ba bzhin du bsnyel ba mi mnga' zhing/ de nyid la nyan bshad mdzad do//
tshad ma rnam 'grel ni/ rang lo bcu pa nas bzungs te/ yi ge 'bru gcig kyang brjed ma myong ba 'di zhang po'i drin yin