[A:50]lta ba 'di rtogs pa yod par sa lo mi bzhed pa'i phyir ro//
mngon par rtogs pa'i rgyan rtsa 'grel gyi nges don rigs pas sgro 'dogs gcod pa'i tshul dbu ma thal rang du smra ba rnams kyi bzhed pa bzhin mkhyen nas/ sgom pas nyams su myong bya'i nges don shes rnam brgya bdun cu rtsa gsum po nyid du bzhed pas gzhan stong gi tshul te rnal 'byor spyod pa'i dbu ma zhes grags pa de nyid do//
'dir phar phyin theg pa nas 'byung ba'i bsam byung gi shes rab ni/ nges pa kho nar rigs pa rnam dag las skyes dgos pa yin la/ rigs pa de la yang rang rgyud dang/ thal 'gyur gnyis las/ dang po la yang/ thogs med sku mched kyi lugs dang/ phyogs glang yab sras kyi lugs gnyis las/ dang po ni/ mngon pa kun las btus sogs las 'byung ba dang/ phyi ma ni/ phyogs glang yab sras kyi gzhung las gsungs pa rnams te/ lugs de gnyis ka yang rje 'di nyid kyiskyi legs par mkhyen pa yin no//
thal 'gyur la yang rtog ger grags pa dang/ dbu ma kho na la grags pa gnyis las/ phyi ma'i srol 'byed ni/ slob dpon zla ba grags pa yin la/ lugs de yang rje 'di nyid kyis phyin ci ma log par mkhyen pa yin no//
yang dbu ma tshig gsal 'jug gi nges don ni/ gtan la 'bebs byed kyi rigs pa rang stong kho na'i dbang du byas pa dang/ de gtan la phab pa'i nges don kyang/ rigs pas dpyad pa'i stong pa nyid ces bya ba med par dgag pa nam mkha' lta bu las gzhan med la/ gnas skabs nges don du bzhag pa de yang/ mthar ni kun rdzob kyi bden pa nyid las ma 'das so shes sgro 'dogs chod par mdzad do//
2.1.2
gnyis pa sgom byung gi yon tan ji ltar brnyes pa ni/ 2.1.2.1
lam 'bras bu dang bcas pa'i man ngag nyams len gyi tshe ji ltar brnyes pa dang/ 2.1.2.2
rnal 'byor yan lag drug pa'i tshe ji ltar brnyes pa'o//
2.1.2.1
dang po ni/ sngon lam 'bras kyi khrid gsan pa dang/